影片
更多
2023-06-23
40 瀏覽
原來壽喜燒都有一人火鍋，本延鍋物位於灣仔，門口望落完全唔似壽喜燒店，反而有一種文青咖啡店嘅感覺。湯底有三款，分別係昆布酸味湯、關東風壽喜燒同日式昆布上湯。我地試左頭兩款湯底，前者酸酸甜甜好開胃，後者味道啱啱好，甜中帶鹹。套餐除左肉類之外，仲附送綜合時蔬、烏冬、蝦滑同甜品。蝦滑唔錯，肉質彈牙鮮甜。烏冬係稻庭烏冬，口感煙韌掛湯。時蔬種類幾多、包括冬菇、金菇、豆卜、芋絲、蟹柳同蔥段，特別一提係蔥段好甜😍- 極上黑毛和牛A4套餐和牛薄切但好大片，起碼有八件以上。和牛嫩滑肥美。日本雞蛋充滿蛋香，可以加添滑溜感。- 本延特選黑毛和牛套餐雖然本延特選黑毛和牛食落比較瘦，但油花遍佈均勻，肉味真係非常香濃，而且食完唔覺油膩。最後以抹茶蕨餅作結，抹茶味夠香濃，可以解膩。整體而言，和牛質素幾高，而且配料豐富，值回票價。我地惠顧滿 $500然後送咗一張$100現金券🤩，只要下次消費夠$500就可即時使用，等我10月前再到本延鍋物食埋第三個湯底！
原來壽喜燒都有一人火鍋，本延鍋物位於灣仔，門口望落完全唔似壽喜燒店，反而有一種文青咖啡店嘅感覺。湯底有三款，分別係昆布酸味湯、關東風壽喜燒同日式昆布上湯。我地試左頭兩款湯底，前者酸酸甜甜好開胃，後者味道啱啱好，甜中帶鹹。
套餐除左肉類之外，仲附送綜合時蔬、烏冬、蝦滑同甜品。蝦滑唔錯，肉質彈牙鮮甜。烏冬係稻庭烏冬，口感煙韌掛湯。時蔬種類幾多、包括冬菇、金菇、豆卜、芋絲、蟹柳同蔥段，特別一提係蔥段好甜😍
- 極上黑毛和牛A4套餐
和牛薄切但好大片，起碼有八件以上。和牛嫩滑肥美。日本雞蛋充滿蛋香，可以加添滑溜感。
- 本延特選黑毛和牛套餐
雖然本延特選黑毛和牛食落比較瘦，但油花遍佈均勻，肉味真係非常香濃，而且食完唔覺油膩。
最後以抹茶蕨餅作結，抹茶味夠香濃，可以解膩。整體而言，和牛質素幾高，而且配料豐富，值回票價。我地惠顧滿 $500然後送咗一張$100現金券🤩，只要下次消費夠$500就可即時使用，等我10月前再到本延鍋物食埋第三個湯底！
張貼
