影片
更多
2019-05-08
890 瀏覽
前排做野經過大埔，一個人，唔想食快餐，又想食好少少，周圍兜下之下發現有間野新開張，鋸扒既。本身都冇諗住入去，一個人鋸扒又好似有D哂錢又有D奇怪咁。不過望多兩望呢間野又幾特別。佢唔係我地認識既個D扒房，佢有D似我係日本見過D扒房咁款。有D似日式拉麵咁，形式少少似FAST FOOD，去COUNTER買野，請坐低，不過食既唔係豬柳強，而係牛扒。我唔知佢係專登定乜，入面分開左兩個AREA, 有D 係一張4人枱，有D係高枱，我諗係FOR一個人既，岩哂我。當日亦都唔少上班客放工後一支公去到個到。得3款野賣，西冷肉眼牛柳，好少野揀，夠專，唔錯。300G起跳，有湯有飯，岩哂我地呢D飯桶。300G 即係有幾多? 簡單黎講，大過你隻手掌，A5紙咁上下啦，總之一定飽...(利申140磅, 自問食得多野)我當日叫左款西冷，你嗌個陣佢即磅即切，我叫左300G，加左湯同飯，仲有汽水/互龍茶。佢係鐵板上，上板時3成熟，不過隨住時間既流逝，佢慢慢變5成7咁。我諗我食完既時候佢塊扒差唔多去到7成。所以如果你食慢, 你要留意下喇。塊扒真係幾好食，幾JUICY，有咬口。食落去都牛味，始終都係原板上，冇任何SEASONING
本身都冇諗住入去，一個人鋸扒又好似有D哂錢又有D奇怪咁。不過望多兩望呢間野又幾特別。佢唔係我地認識既個D扒房，佢有D似我係日本見過D扒房咁款。有D似日式拉麵咁，形式少少似FAST FOOD，去COUNTER買野，請坐低，不過食既唔係豬柳強，而係牛扒。我唔知佢係專登定乜，入面分開左兩個AREA, 有D 係一張4人枱，有D係高枱，我諗係FOR一個人既，岩哂我。當日亦都唔少上班客放工後一支公去到個到。
得3款野賣，西冷肉眼牛柳，好少野揀，夠專，唔錯。300G起跳，有湯有飯，岩哂我地呢D飯桶。
300G 即係有幾多? 簡單黎講，大過你隻手掌，A5紙咁上下啦，總之一定飽...(利申140磅, 自問食得多野)
我當日叫左款西冷，你嗌個陣佢即磅即切，我叫左300G，加左湯同飯，仲有汽水/互龍茶。
佢係鐵板上，上板時3成熟，不過隨住時間既流逝，佢慢慢變5成7咁。
我諗我食完既時候佢塊扒差唔多去到7成。所以如果你食慢, 你要留意下喇。
塊扒真係幾好食，幾JUICY，有咬口。食落去都牛味，始終都係原板上，冇任何SEASONING 搶左D 味。好少可一個人食得咁豐富，最後都一概1舊水到埋單...抵哂啦。整體唔錯，得閒會再黎!
張貼
