Wagyumafia

營業中

休息中

Item: Wagyumafia
Rating: 4
Author: tomoya711

4.5

46 食評

味道

環境

服務

衛生

抵食

20165

灣仔

$801以上

日本菜

tomoya711

等級3

和牛黑手黨晌日本賣牛肉賣到出埋食店，之後仲走出埋日本，你話佢把唔把炮呢？把炮地方係佢晌日本只係招呼會員，都做到供不應求，而且會員繳交費用一D都唔低，現時最新會員入會費是$2000（終身制），福利有d咩？首先可以食佢地會員menu（佢係有16道菜比普通多5道），再可以去佢另一間姐妹店食會員制燒肉，還有有機會抽獎去參觀佢地位於神戶及宮崎的牧場。

環境方面幾神秘幾有格調，晌一間沾麵的雪櫃入口進入食店幾咁神奇呢。表面佢係賣沾麵實則佢係賣燒肉😈。燈光該暗的地方暗，該光的地方光。音樂較為嘈吵，可能會聽唔到旁邊的同行人說話。吧台椅子較位高。

個人覺得成間食店幾型幾有新鮮感，員工亦幾有熱誠，唔怕尷尬積極表現，氣氛非常良好，個人覺得有佢地表演能令食物加分。

食物味道就有點偏咸，但都晌可以接受範圍內。最後還有敬酒及合照環節。

==============================

風乾和牛乾加清酒：
第一道菜係驚喜晌雪櫃之間的等候，職員簡單介紹並遞上了燻製的肉乾，塊肉唔算薄，有點size，口感可能似風乾火腿？🤔，但係佢就係牛味，食落有點油及少少咸，是一個合適的送酒菜，可惜和友人不喝酒就只能食肉。😂正常是提供一片肉及一杯清酒的。

青椒沙律：
口味清新，較為清淡，但食多少少亦有點回甘的青椒辣，如果覺得清淡過頭枱上有自家製的辣椒🌶️仔調味料提供，三支由右到左分別是小辣、中辣、大辣，店員提議蔬菜煩用小辣會較好吃。

A5和牛煎餃：
兩個和牛餃，和姐妹店的Mashi No Mashi比起來，印象中比mashi 那個大，唔知係唔係因為呢餐飯價錢引起的心理作用呢😈，其實佢好大機會同款黎😂，因為見menu額外叫是$120一份和mashi 價錢是一樣的。
和牛煎餃佢材料係和牛邊料的切角料製成，今次食落唔算油膩，有肉汁及肉香，餃子🥟皮皮簿，餃子煎到金黃色脆皮，食落有點層之感，肉質熟到亦剛剛好，因為如果熟太熟老了可能就會較油膩。

豉椒蒸牛肉（香港限定）：
平時晌酒樓食豉椒排骨多，牛肉真的是第一次見，豉椒究竟同佢襯唔襯好難說，但係講真味道係唔差👅，不過豉椒汁就唔係好入味，可能是因為佢要保持肉質滑嫩，蒸焗的時間要教少，想多點味就再晌汁轆下啦，但佢個汁係有點咸。唔知會唔會遲下推出其他和牛點心呢….什麼和牛山竹牛肉、和牛乾蒸燒賣呢😈

岩鹽生蒜配牛肉刺身：
刺身配岩鹽、生蒜，肉質滑嫩有牛香味無腥味，配上點啜的岩鹽及加強清新口感的生蒜片。整體良好，唯一美中不足生蒜的蒜心有點苦味，粒生蒜可能換過粒會好少少。

和牛三文治🥪：
照牌菜和牛三文治少少的1/4件就值$250，因為menu加1份4件的實收$1000😂。因為非常期待呢道菜忍唔住加左一份，結果食落去佢同自己想像的口味完全唔一樣。
牛肉厚身重牛香，嫩口亦無血腥味，可能係因為選料關係，佢地選用牛柳最嫰口的位置烹調，但係較為淋身，個人想有點咬感。
麵包皮唔夠酥脆，較為薄身，個人想酥脆點。醬汁有少少酸味，但係除左第一啖醬汁味外好多時被牛的美味蓋過了咁🤔。店員會再麵包皮上加上金箔，視角爆棚。

壽喜燒和牛：
雞蛋汁加上壽喜燒汁打成泡沫，香口綿滑加上壽喜燒汁的甜味和大蔥，搭配燒烤過的和牛肉片，加入不少的黑松露。

大菇：
日本第一大菇經過簡單的調味，加點鹽加點汁，沒有冬菇的花菇香味，沒有鮮菇的草青澀味。肉身爽口彈牙。店員說佢譯名叫雪….雪xxx忘記了😅。

炭烤尾崎牛：
最後的主菜，由最初入場時俺製到食大菇時，以炭火燒烤，肉身炭味口敢唔算太出，被肉的香氣搶了，肉汁多肉嫰口，再配上岩鹽、黑椒、山椒、wasabi，令肉味肉香昇華，尤其個wasbi配和牛想唔到佢會咁夾，呢款wasabi 亦無攻鼻的感覺。店員係建議四種調味料全加到一片牛上去食。

和牛沾麵：
沾麵麵質彈牙，湯以牛骨和鰹魚調味，味道濃郁但佢真係好咸，湯汁裡有蔥蔥、牛脂及牛肉粒，個沾麵再加了一些黑松露絲增加香氣，食完個麵可叫店員再加湯到湯汁裡，一起服用。

和牛脂肪提煉成的雪糕：
牛脂香味，但更多是威士忌香味，再配上杏仁及夾餅。
==============================
在YouTube 睇返一年幾前的非會員menu，就咁睇以為只係蕃茄轉左做大菇，但細心一看其他菜品都有改良唔少。

1）和牛三文治加左金箔
2）壽喜燒加左黑松露片
3）沾麵加左黑松露刨絲

令視覺享受更豐富，這已經是一種藝術表演，這餐飯是一個良好的體驗，如果音樂唔係咁大聲就更好了。

我覺得自己會再幫襯😈預12月。