味帝漢堡 (已結業)

由細到大都好鍾意食漢堡包，而朋友開漢堡包店，咁一定要黎試下啦！我當然試下味帝漢堡嘅主打(May Day burger)！現在流行～～人未食，相機先食！一拎上手，好足料嘅burger呀！好在我隻手都唔細，仲可以一隻手拎得起！haha......一咬落去，味道唔錯喎！塊肉都好多汁，同埋最鍾意啲芝士容埋落塊扒果度！可以又有芝士味，又有漢堡味！加埋塊成個包咁大嘅蕃茄同菜，味道夾得啱啱好！個人喜好，啲芥醬好正！食晒之後，有種感覺好特別，好有屋企feel喎～～～一場朋友，梗係問下佢落咗啲乜嘢喺塊扒果度啦！佢條友仔話：「放心！一定唔係味精！」我當然再問：「咁係乜先？」佢話：「係咪有啲屋企feel呢？」我話：「係喎！」佢話：「落咗一啲你屋企都有嘅調味料，再醃一晚囉！你冇咁多時間整架喇！」我話：「OK！我之後落嚟食！」真係比佢知道我無咁多時間！hahaha......不過比幾十蚊佢！食個咁足料嘅漢堡又真係乜都抵晒啦！