印尼沙爹屋

營業中

休息中

我以前唔係特別鐘意食串燒，但食過呢間後就上咗穩。呢間小店提供牛肉串燒、豬肉串燒、雞肉串燒、羊肉串燒等，全部燒得好好，能鎖住肉汁，唔會燒到乾爭爭。老實講，其實咩肉都唔緊要，因為撈咗沙嗲醬後，款款味道都好似差唔多，只係牛肉比較靭。最出色當然係沙嗲醬，堅好味，香甜惹味，仲有少少花生醬味，用D醬去撈飯都仲得。另外也買咗印尼炒飯，份量好大，足夠兩個人分享。D飯炒得粒粒分離，唔會一舊舊，配料都好豐富，有蝦肉、肉絲、椰菜、洋葱等，味道清淡，唔太油膩，可能有D人會覺得唔夠香口惹味，但對我來說都算OK。