利苑酒家 (創紀之城五期(apm))

營業中

休息中

一直以來呢間食店都比師傅一種好好高尚好高貴感覺, 有種遙不可及, 但就成日心思思想去, 覺得點都要試一次, 早一排師傅終於豁出去, 所以就去左呢度飲餐茶仔!入到去感覺真係好高貴, 侍應安排入坐後, 師傅我當然係即刻晝野食! 兩個人叫左蝦餃, 蝦腸, 蘿蔔糕, 小籠包, 珍珠雞, 牛肉同埋煎餃子!先講蝦餃, 蝦餃真係皮薄餡靚, 蝦肉好爽口, 好味; 蝦腸蝦肉依然好爽口, 而腸粉好夠滑, 正呀; 蘿蔔糕煎得好香, 唔係太粉有蘿蔔味, 可以; 小籠包又係出色, 皮薄而裡面夠湯, 肉身夠鬆, 一夾又唔會穿, 掂呀; 珍珠雞普普通通, 冇咩特別; 牛肉真係幾牛肉下, 蒸左出黎都幾紅身下, 冇咩溝豬肉; 而煎餃子就比較油, 一般d啦!總括黎講呢度食物質素幾好, 環境舒服, 服務幾好, 係價錢貴d, 埋單二百幾, 都可以接受, 師傅始終覺得一分錢一分貨, 如果比多少少錢可以有咁質素, 師傅完全覺得物有所值, 有機會一定會再黎!