糖水佬甜品

營業中

休息中

同朋友做完義工想吹下水，就嚟咗呢度。間糖水舖係朋友揀嘅，如果自己去食嘅話，都係想食返啲有名氣啲嘅，例如松記糖水，綠林甜品，貴族甜品等等。老實講，睇裝橫都覺得伏伏地。自己都唔想食太貴啦，就叫咗個大菜糕（$18）。首先，我未食過咁實嘅大菜糕。另外，個人覺得，大菜糕要加奶先好食，但係一係多奶一係唔加，冇中間。如果大菜糕要加奶嘅話，可唔可以唔好咁孤寒呢。朋友話腐竹糖水都算足料嘅，但係個人來講覺得色水麻麻，偷咗幾啖試，覺得偏甜。薑汁撞奶都係偏甜，薑味可以多啲。不過朋友食完之後肚痛唔知關唔關事。楊枝甘露唔係特別鍾意就冇試。其實真係麻麻哋好食，不過一分錢一分貨，唔奶要求太多。