影片
更多
2013-12-26
4635 瀏覽
收到主人家的英雄帖後, 只聽到朋友話夜上海係米豬蓮, 當時仲以為只係米豬蓮推介, 點知... 竟然係連續2年得到米豬蓮二星 (2013 & 2012 米芝蓮二星, 2011 & 2010 米芝蓮一星)... 極具中國味道的裝潢, 透過落地玻璃門可以欣賞到1881 Heritage的景色... 昏暗的燈光, 好眼瞓呀...6個前菜, 10個主菜, 2個麭點, 6款甜品, 一大群餓狼, 近乎光速的上菜速度, 轉盤堆到再堆唔入都仲繼續堆, 昏暗的燈光, 射燈射到相機上造成的黑影... 諸多因素(藉口), 出來的相片冇咩藝術感...又白又滑又薄的豆腐, 灑上豉油, 好味!!! 肥美的醉雞, 強烈的酒味, 好味!!! 好香好脆好甜的脆鱔, 好好好味呀!!!醉豬腳仔, 肴肉, 蒜泥白肉... 比之前3款頭盤略遜一籌...有朋友遲咗半個鐘, 等齊人終於可以起菜!!!片皮鴨, 鴨皮幾韌... 炸子雞, 有點乾, 但比坊間好...清炒河蝦仁, 清淡中突顯出來的河鮮味, 向來唔係我杯茶... 腰果蝦仁, 冇印象有食過, 唔通比人秒殺?!!原條魚切絲, 魚肉唔腥, 味道清淡, 肉質好滑溜... 呢個炒三絲真
極具中國味道的裝潢, 透過落地玻璃門可以欣賞到1881 Heritage的景色... 昏暗的燈光, 好眼瞓呀...
6個前菜, 10個主菜, 2個麭點, 6款甜品, 一大群餓狼, 近乎光速的上菜速度, 轉盤堆到再堆唔入都仲繼續堆, 昏暗的燈光, 射燈射到相機上造成的黑影... 諸多因素(藉口), 出來的相片冇咩藝術感...又白又滑又薄的豆腐, 灑上豉油, 好味!!! 肥美的醉雞, 強烈的酒味, 好味!!! 好香好脆好甜的脆鱔, 好好好味呀!!!
醉豬腳仔, 肴肉, 蒜泥白肉... 比之前3款頭盤略遜一籌...
有朋友遲咗半個鐘, 等齊人終於可以起菜!!!片皮鴨, 鴨皮幾韌... 炸子雞, 有點乾, 但比坊間好...
清炒河蝦仁, 清淡中突顯出來的河鮮味, 向來唔係我杯茶... 腰果蝦仁, 冇印象有食過, 唔通比人秒殺?!!
原條魚切絲, 魚肉唔腥, 味道清淡, 肉質好滑溜... 呢個炒三絲真係有食過?!!
紅燒獅子頭, 向來Not 賣飛佛... 醬燒骨又係未夾到已經無晒...
火腿津白, 金華火腿有d腥... 炒四季豆係我至愛, I Like It~
食麭麭食飽... 生煎麭, 個個都咁靚仔... 仲有好多籠小籠包, 一定要趁熱食...
甜品時間... 香, 脆, 薄, 甜的八寶飯, 好好味... 朋友的慕斯賣相好吸引, 布甸伴雪糕賣相就...
冇酒釀味的桂花酒釀丸子... 朋友的燉雪梨 & 合桃露...
菜式由主人家發版, 我都唔知埋單幾錢...席間的焦點話題, 除咗主人家的人生有所改變, 仲有嘅就係麵包機!!! 受我去玩麵包機玩到上咗報紙的影響, 居然成班C9約埋去主人家屋企睇佢部買咗N世耐的麵包機示範, 都幾搞笑...
難得主人家的新婚老公全晚笑笑口, 唔嫌棄我地幾個女人墟的癈話, 冇話走咗去講電話或者玩電話, 全程投入, 果然, 心中幸福的人是最快樂的!!! 祝你地以後每一天都甜甜蜜蜜!!!
張貼
