影片
更多
2014-04-29
988 瀏覽
今晚陪朋友打完波，朋友話不如一齊去就近食野，原來呢位朋友之前已經黎過。見佢推介，咁好喇~就一齊食個飯。 入到去好得意！有啲懷舊，一行行既舊式卡位，但又好企理乾淨，夠晒光猛。好特別地，佢係有8人既卡位嫁！坐低之後，有個姐姐行埋黎溫馨小提示我地，話有幾個餐好快就停，叫我地如果想叫呢幾個餐就要快。既然係咁，我地就好快咁決定叫左佢就黎冇個2個餐，海南雞飯同埋黃袍叉燒飯。先黎既係叉燒飯，個蛋好滑，叉燒係超厚切！所以只係得5舊左右。叉燒好肥美，鐘意食肥叉既我當然冇所謂，但見隔離枱個個將啲肥咬晒出黎，相信嫌太肥既朋友未必喜歡。但喜歡肥叉朋友真係要一試！之後個海南雞飯好似冇左件事咁，一直未黎，之後問問個姐姐，佢話原來個油菜未得。因為大家都食左一半有多既關係，所以叫佢上左其他先。呢個雞… 麻麻地，好乾，雖然明知佢係凍既，但食落口既感覺，好似食緊隔夜餸咁。黃油飯好多薑，勁多個隻！黃到有啲假~ 哈哈哈哈… 都係凍的！唔知係咪之前佢地裝好出黎等個菜等太耐，等到凍晒。好彩最後冇等個菜，因為個菜係我地停晒手既時候到。哈哈哈哈~ 不得了！ 但waitress姐姐都幾好人，算喇~ 點知出去埋單個陣，個收銀黑口黑面唔知
入到去好得意！有啲懷舊，一行行既舊式卡位，但又好企理乾淨，夠晒光猛。好特別地，佢係有8人既卡位嫁！坐低之後，有個姐姐行埋黎溫馨小提示我地，話有幾個餐好快就停，叫我地如果想叫呢幾個餐就要快。既然係咁，我地就好快咁決定叫左佢就黎冇個2個餐，海南雞飯同埋黃袍叉燒飯。
先黎既係叉燒飯，個蛋好滑，叉燒係超厚切！所以只係得5舊左右。叉燒好肥美，鐘意食肥叉既我當然冇所謂，但見隔離枱個個將啲肥咬晒出黎，相信嫌太肥既朋友未必喜歡。但喜歡肥叉朋友真係要一試！之後個海南雞飯好似冇左件事咁，一直未黎，之後問問個姐姐，佢話原來個油菜未得。因為大家都食左一半有多既關係，所以叫佢上左其他先。呢個雞… 麻麻地，好乾，雖然明知佢係凍既，但食落口既感覺，好似食緊隔夜餸咁。黃油飯好多薑，勁多個隻！黃到有啲假~ 哈哈哈哈… 都係凍的！唔知係咪之前佢地裝好出黎等個菜等太耐，等到凍晒。好彩最後冇等個菜，因為個菜係我地停晒手既時候到。哈哈哈哈~ 不得了！ 但waitress姐姐都幾好人，算喇~ 點知出去埋單個陣，個收銀黑口黑面唔知做咩咁~ 一班人食飯，有人比左錢先，check單再比返都好正常姐。我指住張單問個收銀想要，佢竟然嬲爆爆print過張只有一個total數既比我！咁我咪話，我地想睇返個餐幾錢嫁咋。佢指住旁邊話自己攞外賣紙睇。咁好喇，唯有係咁。點知一行到出門口，打開個張外賣紙，跟本就冇我地個餐！扼人既~ 好彩我有諗住食新野要影相，有影到我地食個個餐既menu咋！
張貼
