大家樂 (已結業)

今日突然好掛住大家樂一哥焗豬扒飯，閑日夜晚既大家樂一d都唔少人，入到去周圍飯香味十足，一哥焗豬始終係招牌貨，隔幾張枱就會見到有1個人食緊！焗得岩岩好既熱辣辣香噴噴一哥焗豬扒飯，飯面頭充滿芝士同廚師教得好好味既紅紅茄汁，慢慢將睇落炸得黃金香脆但食落香滑軟熟既豬扒拎出黎放埋一邊，再切件慢慢歎，再將香濃醬汁埋配配料菠蘿，洋蔥，蕃茄一齊撈埋落d炒得甘香既炒飯底都一齊食，更加惹味非常！ 加多杯凍既香滑奶茶，當然冇茶餐廳個d咁好飲，但總算不過不失，咁就成為我今晚簡單得黎又好味既豐富晚餐，最緊要價值又相當合理，仲可以去邊搵！