不要對我尖叫，日常茶間， (利奧坊) (已結業)

📍不要對我尖叫，日常茶間， (利奧坊-大角咀)🔍大角咀嘉善街18號利奧坊二期地下G704號舖-----🏗舊區翻新後嘅大角咀，除咗多咗好多新樓盤之外，仲多咗好多新餐廳🍽。而呢一間台式手搖茶飲就係大角咀近日非常hit嘅打卡熱點。大大嘅落地玻璃，令店內採光度十足。裝修文青簡約得黎又帶點時尚感，舒適得令人可以輕易喺度Spend一個下晝。✨蜂蜜菊花普洱（$26）清香嘅菊花混合濃郁嘅普洱，加上香甜嘅蜂蜜🍯，飲完有種怡人舒壓嘅感覺。加$5仲可以試埋佢地嘅地瓜🍠芋圓，細細粒又煙煙韌韌，令本來就好正嘅茶飲更加錦上添花🌸。✨蜂蜜美式（$34）齋啡☕同蜂蜜🍯，看似完全唔夾嘅兩者，相互交融之下，味道竟然非常和諧，B仔一試愛上。✨蘋果茉莉（$38）粒粒切碎嘅蘋果🍎令茶底充滿果香之餘，亦為茶飲添加口感。飲落帶酸酸甜甜嘅果味，又不乏茉莉清香，午後一杯，令人有種瞬間忘記工作煩惱嘅感覺。呢間分店同其他分店唔同嘅係，除咗茶飲之外，佢地有仲有唔同款式嘅Pastry🥐例如有泰芒🥭酥酥、果仁酥、洋焗🥦蔬酥、地中海酥酥同芝士🧀哞哞包等等。熱辣辣嘅酥點外脆內軟，質感綿密，無論鹹甜都各有特色。一啖清香得純粹嘅茶，一啖酥香得醉人嘅美點