影片
更多
2023-05-09
171 瀏覽
好難得食車仔麵既老闆同老闆娘都好nice😌 唔會好似有啲咁會大大聲咁喝人，會好用心咁介紹佢地特色既野，亦會閒話家常，感覺幾warm🤩 野食方面每一個細節都好用心，每一個步驟都唔馬夫，寧願用多啲時間同功夫都要確保食客感受到原味道👍🏻 味道亦都夠晒鮮味同有口感，係好用心既小店🥰(5 😍 係滿分，🤩係半分）豪華九寶大雜面🍜 - $49 (好味指數：😍😍😍😍🤩)個麵🍜真係超豪華🤩 包括有牛腩🐮、特級瀨尿牛筋丸🐮🍡、瑞士汁雞翼🐥🪽、有魷魚既魷魚丸🦑🍡、豬紅、豬皮🐷、蘿蔔、紅腸同生菜🥬，另外個底小編揀左菜底🥬所以就再多一份生菜🥬～牛腩🐮：煮得夠耐夠晒入味，肥瘦適中，肉質軟嫩多汁，柱侯汁入面既香料同南乳都夠，所以幾惹味～佢 瑞士汁雞翼🐥🪽：就算煮熟同放耐左都依然脹卜卜咁👍🏻 而瑞士汁係一種以生抽、老抽、薑、蔥同冰糖🧊等香料調配而成既甜味滷水，感覺甘甜惹味，雞皮🐥有油香，裡面肉質嫩滑～有魷魚既魷魚丸🦑🍡：清新爽滑，鮮甜彈牙，入口已經感受到濃郁既魷魚味🦑，仲有唔少魷魚粒🦑，會比較有咬口，同埋都幾juicy，鮮香十足～豬紅🐷：係深紅色既，仲有不規則既小孔，入口唔會好易散開，口感爽中帶滑，再加少少Q彈，會有
(5 😍 係滿分，🤩係半分）
豪華九寶大雜面
$49
26 瀏覽
0 讚好
0 留言
豪華九寶大雜面🍜 - $49 (好味指數：😍😍😍😍🤩)
個麵🍜真係超豪華🤩 包括有牛腩🐮、特級瀨尿牛筋丸🐮🍡、瑞士汁雞翼🐥🪽、有魷魚既魷魚丸🦑🍡、豬紅、豬皮🐷、蘿蔔、紅腸同生菜🥬，另外個底小編揀左菜底🥬所以就再多一份生菜🥬～
牛腩🐮：煮得夠耐夠晒入味，肥瘦適中，肉質軟嫩多汁，柱侯汁入面既香料同南乳都夠，所以幾惹味～
佢
瑞士汁雞翼🐥🪽：就算煮熟同放耐左都依然脹卜卜咁👍🏻 而瑞士汁係一種以生抽、老抽、薑、蔥同冰糖🧊等香料調配而成既甜味滷水，感覺甘甜惹味，雞皮🐥有油香，裡面肉質嫩滑～
有魷魚既魷魚丸🦑🍡：清新爽滑，鮮甜彈牙，入口已經感受到濃郁既魷魚味🦑，仲有唔少魷魚粒🦑，會比較有咬口，同埋都幾juicy，鮮香十足～
豬紅🐷：係深紅色既，仲有不規則既小孔，入口唔會好易散開，口感爽中帶滑，再加少少Q彈，會有少少黏牙，又唔會有腥味，證明係真豬紅🐷
豬皮🐷：去毛去得好乾淨，入口爽滑，本身醃得夠味，兼索晒雞湯🐥🥣既鮮味，味道幾清甜
蘿蔔：煮到夠晒腍，唔會有渣，味道清甜，亦都索到晒湯🥣既味道
紅腸：肥瘦適中，有煙燻香味，唔會太鹹，口感都幾爽口～
生菜🥬：夠晒新鮮，唔會生銹，味道清新爽脆，配埋個雞湯🐥🥣就更加鮮味
酸齋
$9
12 瀏覽
0 讚好
0 留言
酸齋 - $9 (好味指數：😍😍😍😍🤩)
酸齋係用軟筋製成既，首先將高筋麵粉同清水混和搓勻成為麵糰，發酵之後再加入清水搓洗麵糰洗去澱粉質，直至洗出來既水唔係乳白色，剩下韌軟同濕潤既米白色麩質就係軟筋，之後切成小塊去炸，配埋米醋同茄汁🥫調製既醬汁，食落口感比較有嚼勁同彈牙，味道酸酸甜甜，超級醒胃，夏天☀️咁悶熱食就更加正🤤
翼尖 🪽 - $9 (好味指數：😍😍😍😍)
翼尖🪽就啱晒中意啃骨🦴既人😂 ，但呢道既翼尖🪽又唔會「 骨巉巉 」，輕輕力一啜就可以將皮肉分離，口感滑溜～ 今次既係滷水既，都幾惹味～
4 瀏覽
0 讚好
0 留言
豬大腸 🐷 - $12 (好味指數：😍😍😍😍)
小編一向對於內臟都係麻麻地，不過見豬大腸🐷幾出名就試下，食落口感煙韌有咬口，另外有一層脂肪，所以食落有油香，口感順滑，感覺唔錯～ 亦都洗得好乾淨，所以唔覺得有咩臭味～ 顏色亦都夠深，索晒滷水既惹味同香味～
豬手
$12
2 瀏覽
0 讚好
0 留言
豬手 🐷 - $12 (好味指數：😍😍😍😍)
個豬手🐷煮得夠耐，味道略甜，煮到入味軟腍，滷水甘香，一入口就feel到滿滿既膠質同骨膠原🤤 入口即溶，食落又唔覺好漏～ 如果再多啲肉就更加好～
自製韭菜餃 - $11 (好味指數：😍😍😍😍)
皮薄餡靚，晶瑩剔透，表皮唔會厚同埋滑溜，但同時亦唔會爛，而裡面既韭菜🥬同肉🐷既比例啱啱好，韭菜有種特殊既清香，咬落已經汁水滿溢
5 瀏覽
0 讚好
0 留言
一喜秘製菜肉餃 🥬🐷🥟 - $13 (好味指數：😍😍😍😍)
一樣皮薄餡靚，晶瑩剔透，表皮唔會厚同埋滑溜，但同時亦唔會爛，而裡面包既係另一個經典配搭白菜🥬同豬肉🐷，比例一樣平均，白菜🥬清爽腍甜，咬落已經幾juicy
潮汕紫菜四寶
$39
1 瀏覽
0 讚好
0 留言
小食
潮汕紫菜四寶 - $39 (好味指數：😍😍😍😍🤩)
平時車仔麵🍜或者港式粉麵🍜成日都見到有四寶，但第一次食潮汕既四寶🤩 包括有有魷魚既魷魚丸🦑🍡、潮汕小米粿、汕尾馬駮豬肉丸🐷🍡、瀨尿牛丸🐮🍡，配埋秘製黃金雞湯🐥🥣
有魷魚既魷魚丸🦑🍡：味道我喺豪華九寶大雜麵🍜裡面有提過，我就唔重複啦😜 一樣咁好食😋
潮汕小米粿：係用左上等番薯粉🍠、精選既五花肉🐷同大地魚🐟製成既，口感軟糯煙韌，充滿鹹香，一入口已經鮮香四溢，有啲似魚皮餃🥟既感覺但無咁油膩
汕尾馬駮豬肉丸🐷🍡：馬駮多肉少骨🦴，脂肪比較多，所以用左馬駮整出黎既丸🍡鮮香爽彈，有濃郁既魚香，肉質滑嫩，有啲似我地既鹹魚🐟但呢個係健康版😂 配埋有油香又香口既豬肉🐷，層次更加豐富
瀨尿牛丸🐮🍡：味道我喺豪華九寶大雜麵🍜裡面有提過，我就唔重複啦😜 一樣咁好食😋
秘製黃金雞湯🐥🥣：黃金雞湯🐥🥣係當年法租界既產物，同平時傳統既中式雞湯唔一樣，唔會加入金華火腿提味同豬腳提升膠質，而係盡量突顯雞肉本身既鮮甜，會比較清爽同無咁油膩，但依然會有少少黏黏地既口感，感覺幾特別，亦都突顯到其他食材既鮮味～
2 瀏覽
0 讚好
0 留言
香辣單骨雞中翼 🌶️🐥🪽 - $26 (好味指數：😍😍😍😍🤩)
因為小編唔係好食得辣🌶️，所以廚師🧑🍳幫我調左做微辣🌶️，炸到金黃香脆，裡面肉質嫩滑juicy，夠晒惹味，估唔到變左單骨🦴都依然咁飽滿，啖啖肉咁幾正🤤
炸豆皮
13 瀏覽
0 讚好
0 留言
呢個真係要大讚👍🏻 老闆隨機炸左啲豆皮比食客試，平時多數都係食炸魚皮🐟，第一次食炸豆皮，有好靚既金黃色，片得好薄同好酥脆，厚度好似厚薯片🥔咁，同埋有清香既豆味，夠晒香口，同時覺得健康啲同無咁油膩，小編唔洗5分鐘已經成碟清晒😋
咖喱三寶 (魚蛋、魷魚🦑、牛柏葉) - $36 (好味指數：😍😍😍😍)
個咖喱汁🍛夠晒香口，辣辣地咁幾惹味🌶️ 魚蛋🍡好似乒乓波🏓️咁圓碌碌，金黃色有光澤，幾有彈性同魚🐟既鮮味，唔會一味靠粉～ 魷魚🦑鮮甜嫩滑，口感爽脆彈牙～ 牛柏葉夠晒爽口唔會韌，啲摺位索晒咖喱汁🍛啲味😍
7 瀏覽
0 讚好
0 留言
炸韭菜餃 🥟 - $18 (好味指數：😍😍😍😍)
原本已經好到好飽😋 廚師👨🏻🍳好熱情咁話炸啲餃🥟比我地做甜品😂 炸左食又係另一種風味，表皮酥脆，裡面更加多汁同香口，配埋酸酸甜甜帶有少少微辣🌶️既泰式🇹🇭醬，就變左甜品😂 感覺幾特別同難忘
7 瀏覽
0 讚好
0 留言
熱奶茶🧋- $8 (好味指數：😍😍😍😍)
做到真正既奶香🥛茶滑☕️，茶☕️每日都係新鮮沖既，確保夠濃郁芳香同唔會有苦澀味，奶🥛既比例都適中，口感順滑飽滿都有幾重既奶香🥛
好味指數：😍😍😍😍🤩
推介指數：😍😍😍😍🤩
張貼
