影片
更多
2017-12-21
1621 瀏覽
同朋友去始創中心買完嘢，就喺附近覓食。行經宮葉 パフェ，見到有好多款芭菲，裝修亦好有日本風格。細個睇卡通啲主角都好恨食芭菲，所以我哋對芭菲都有種情意結。難得搵到間價格相宜嘅日系甜品店，一於試試！因為心太軟焗製需時，所以先上日本紫薯雪糕芭菲~好大杯芭菲！完全係我夢想中嘅樣T^T底層由火龍果、蜜瓜、脆脆米同抹茶凍層層堆疊而成。$48好多時只係買到球雪糕，呢杯芭菲咁多料感覺真係好抵。Top view可以見到配料相當豐富。紫薯蓉薯味濃陏，比較甜，但配埋水果就啱啱好。三色小丸子為芭菲添上日本風情。估唔到又幾黏韌軟糯。雖然三隻顏色都係純糯米味，但口感一流~仲有士多啤梨啫喱，酸酸甜甜，中和咗紫薯蓉嘅甜。原來雪糕並唔係紫薯味，有少少失望。不過佢嘅朱古力雪糕唔稀，仲混入咗唔少朱古力碎，而且一味紫薯都有啲漏嘅...咁就放過你啦XD始終唔係時令，蜜瓜唔夠甜。抹茶凍都稀咗啲。抹茶心太軟駕到~上次食咗人生第一次新鮮心太軟之後就一試難忘，今次一於食抹茶味！賣相極之吸引。抹茶雪糕盛於薄荷綠macaroon之上，中間用cream同士多啤梨砌成玫瑰，睇得又食得嘅擺碟係最值得讚嘅~心太軟比想像中大件，拳頭咁大，呢個價位好
細個睇卡通啲主角都好恨食芭菲，所以我哋對芭菲都有種情意結。難得搵到間價格相宜嘅日系甜品店，一於試試！因為心太軟焗製需時，所以先上日本紫薯雪糕芭菲~
日本紫薯雪糕芭菲
$48
35 瀏覽
0 讚好
0 留言
底層由火龍果、蜜瓜、脆脆米同抹茶凍層層堆疊而成。$48好多時只係買到球雪糕，呢杯芭菲咁多料感覺真係好抵。
Top view可以見到配料相當豐富。
紫薯蓉薯味濃陏，比較甜，但配埋水果就啱啱好。
三色小丸子為芭菲添上日本風情。
估唔到又幾黏韌軟糯。雖然三隻顏色都係純糯米味，但口感一流~
仲有士多啤梨啫喱，酸酸甜甜，中和咗紫薯蓉嘅甜。
原來雪糕並唔係紫薯味，有少少失望。不過佢嘅朱古力雪糕唔稀，仲混入咗唔少朱古力碎，而且一味紫薯都有啲漏嘅...咁就放過你啦XD
始終唔係時令，蜜瓜唔夠甜。抹茶凍都稀咗啲。
抹茶心太軟駕到~上次食咗人生第一次新鮮心太軟之後就一試難忘，今次一於食抹茶味！
賣相極之吸引。
宇治綠茶心太軟
$46
18 瀏覽
0 讚好
0 留言
抹茶雪糕盛於薄荷綠macaroon之上，中間用cream同士多啤梨砌成玫瑰，睇得又食得嘅擺碟係最值得讚嘅~
心太軟比想像中大件，拳頭咁大，呢個價位好合理。抹茶蛋糕外層烘成啡色，邊位又透翻綠色~望到都開心~
宇治綠茶心太軟
$46
22 瀏覽
0 讚好
0 留言
外皮都係脆脆地，一切就開~
抹茶漿顏色唔假，伴隨茶香傾巢而出。
因為比較大件，蛋糕皮都比較厚，好在做得濕潤味濃。不過唔同人分就會有點漏，畢竟全是抹茶味。
顏色好濃~
估唔到唔係喺雪糕專門店都食到咁實嘅雪糕，含水量唔高呀~味道冇心太軟咁濃，比較清香。
本身以為只係加色素，估唔到會有陣抹茶淡香！比坊間唔少過甜嘅macaroon出色。
同場唔少中學生，配料少啲嘅雪糕三十蚊左右就有~
甜品款式豐富，但亦有售拉麵、咖喱飯...都幾適合情侶，可以滿足晒男女嘅口味~
張貼
