豪隍點心 (已結業)

同女朋友一個齊收工，行左去厚福街醫下肚，點知突然落場大雨就近入左黎食嘢兼避雨諗住純粹食完走唔期望大多，點知食完有少量驚喜兩個人嗌左6樣嘢，已經差唔多百六蚊，原來呢到有收菜芥呢到其中一個招牌菜蝦餃皇雖然一籠只係得兩件，但係每粒蝦餃入面竟然有三隻蝦肉，蝦肉彈牙無一種雪味而皮都算薄，但係有小小黏口小籠包反而有啲失望，湯汁雖然有，但係餡少皮厚，頂又捏得太硬，加上錫紙兜上，有失落感燒賣皇，有啲普通，面頭加粒蝦肉，唔特別咸水角反而值得一提，一般而言，皮硬，餡少但係呢到既咸水角做到皮有煙靭口感，餡料十足每一啖都會食到，而唔會只係咬到皮而無餡