Taqueria Super Macho

營業中

休息中

冇得預約。星期五晚黎，要全部人到齊先可以入座，去附近飲完嘢等齊人再黎過。裏面啲侍應好nice 好high 咁話等等。然後話"下張檯係你哋架喇！你睇下嗰張檯，佢哋就走架喇！你哋坐出面膠櫈仔飲杯嘢等陣啦！" 雖然今晚天氣好熱，我哋都坐街叫杯嘢飲。飲咗杯margarita, 都幾甜吓。要溶曬啲冰先叫好啲。飲飲吓覺得有啲唔對路。響出面望真啲，佢講嗰檯客仲有半杯嘢飲喎！等呀等，等足一粒鐘都未入得！已經八點半，已經好肚餓。唯有決定唔再等。朋友專登行去叫埋單時聽到個侍應同其他人講一定要用安心出行！單都未黎個侍應就走黎話"其實嗰張檯真係就黎埋單"! 跟住我朋友問係咪一定要用安心出行佢先話係一定要用！係一定！俾你呃咗仲繼續響度食咩？！仲要懶到唔肯間位俾唔用安心嘅客用！既然間餐廳唔care 生意，咁永遠唔洗幫襯了。