麥金.麥金馬來西亞特式茶啡室 (已結業)

砂煲老鼠粉老鼠粉成個砂煲直接上枱，裡面的份量足夠兩三個人一齊食都夠飽，超級巨量🤩🤩🤩老鼠粉裡面用咗勁多款配料，包括有肉碎、香蔥、炸蒜、蝦米、豬油榨以及半熟蛋等等，全部一齊炒超級香口😋老鼠粉一大啖放入口，又爽滑又彈牙，唔會覺得佢太肥膩，味道又濃郁又夠鹹，非常惹味，食唔停口的推介😋👍👍椰香咖央多士多士新鮮烘焗製作，食落薄脆又香口，內裡的咖央醬料相當有層次感，首先聞到超級正的椰香，繼而係班蘭以及蛋的香氣傳過黎，又甜又美味，加埋溶左一半的牛油，成件多士超級邪惡，但令人難以放「口」💋🫶黎到唔叫真係對唔住自己個胃😤