Dabyida Restaurant and Bar (已結業)

因為爸爸想食西餐，所以今晚相約左一家人去尖沙咀既Dabyida Restaurant and Bar食晚餐去到見到氣氛好好，微微既煙光，柔柔既音樂，令人覺得好輕鬆！坐底之後睇下餐牌，爸爸家姐都係愛酒之人，所以馬上叫支紅酒慢慢品嚐下先而媽媽就叫左杯鮮橙汁而我就叫左杯soda water！前菜我地叫左hams，配哈蜜瓜簡直一流另外，不得不提我的至愛鵝肝，大廚手勢好好，煎到外脆內軟，一啖咬落去，整個口腔充滿著濃濃既鵝肝油味，配埋清新既菠蘿內一齊食，一試難忘主菜叫左牛扒，羊架，大蝦同西班牙飯牛扒7成熟，配上黑椒汁，正！羊架好嫩滑，加埋炸蒜頭，好好味大蝦好新鮮，有好多膏，大家都爭住食，哈哈！不過最後當然係我爸媽食左啦西班牙海鮮飯就食得多，呢個帶子西班牙飯真係第一次食，估唔到味道都好好味帶子好大粒又鮮甜總括來說，呢間食物水準好高，氣氛又好好，適合情侶，家人，朋友聚會，下次再黎試下其他菜式先！