意粉屋 (太古城中心)

營業中

休息中

一家人去太古城中心間意粉屋食晚餐，六個人去到，大約等十分鐘就有位。我哋叫咗海蝦牛油果沙律軟包、凱撒沙律+意包、招牌炸雞+炸薯條、雙芝焗煙火腿煙斗粉、芝士忌廉菌雞肉長通、星級豬仔骨薯條黑醋沙律、啤酒及薄荷特飲，仲有晚市免費贈送肉醬薯條。唔使等好耐，所叫嘅食物都陸續送到，首先係兩個沙律，食咗大家都覺得海蝦牛油果沙律最開胃，而雙芝焗煙火腿煙斗粉都好好食，可能係少食咁大粒嘅煙斗粉嘅關係，食落覺得口感唔錯，比長通粉特別，另外趁人多才叫嘅豬仔骨，食之前點埋跟嘅汁，味道真係唔錯。總結：六個人都食得好飽，而且服務員親切有禮，大家都食得好開心。