影片
更多
2017-03-22
1456 瀏覽
今日難得屋企人入嚟元朗探訪，梗係帶佢哋食好啲。 西菁街嗰邊出名多嘢食，老豆就最鍾意食西餐，而媽咪就最鍾意環境靚嘅餐廳， 所以我就揀咗呢間《Forever友緣西餐》， 一次過滿足曬兩老嘅要求。由於我哋嘅開餐時間尚早，餐廳都未算擠滿食客， 一入去就見到一盞好華麗嘅水晶吊燈，餐廳裏面嘅玻璃可以望通出面嘅街道，感覺非常開揚。 入夜嘅時候天色昏暗，水晶吊燈就更顯得有氣派。我哋叫咗一個二人餐，另外加咗個意大利飯。呢度嘅二人餐價錢相當抵食，$488， 就已經有齊兩個頭盤， 兩個主菜， 同兩個甜品。先講吓頭盤【煙鴨胸沙律】， 煙鴨胸大大塊， 又唔會好咸， 沙律菜上面淋上日式麻醬，大人細路都鍾意， 而且沙律菜非常新鮮， 食落爽脆。另一頭盤【 酥皮肉餡批】， 肉餡味道唔錯， 餡料份量十足，但略嫌酥皮唔夠香脆， 如果可以更鬆化， 必定更好食。【 黑松露忌廉蘑菇湯】，一飲落口就可以飲得出係蘑菇打出嚟嘅味道， 加入忌廉後口感更滑溜， 而且黑松露味亦比想像中突出， 配埋脆卜卜嘅蒜蓉包，唔錯。主菜系列有【 美國頂級1855安格斯肉眼扒】, 呢塊肉眼扒牛味相當突出，肉眼扒煎得剛剛好，既唔會滲出血水， 肉質亦相當粉嫩。
由於我哋嘅開餐時間尚早，餐廳都未算擠滿食客， 一入去就見到一盞好華麗嘅水晶吊燈，餐廳裏面嘅玻璃可以望通出面嘅街道，感覺非常開揚。 入夜嘅時候天色昏暗，水晶吊燈就更顯得有氣派。
我哋叫咗一個二人餐，另外加咗個意大利飯。呢度嘅二人餐價錢相當抵食，$488， 就已經有齊兩個頭盤， 兩個主菜， 同兩個甜品。
先講吓頭盤【煙鴨胸沙律】， 煙鴨胸大大塊， 又唔會好咸， 沙律菜上面淋上日式麻醬，大人細路都鍾意， 而且沙律菜非常新鮮， 食落爽脆。
另一頭盤【 酥皮肉餡批】， 肉餡味道唔錯， 餡料份量十足，但略嫌酥皮唔夠香脆， 如果可以更鬆化， 必定更好食。
【 黑松露忌廉蘑菇湯】，一飲落口就可以飲得出係蘑菇打出嚟嘅味道， 加入忌廉後口感更滑溜， 而且黑松露味亦比想像中突出， 配埋脆卜卜嘅蒜蓉包，唔錯。
主菜系列有【 美國頂級1855安格斯肉眼扒】, 呢塊肉眼扒牛味相當突出，肉眼扒煎得剛剛好，既唔會滲出血水， 肉質亦相當粉嫩。薯菜亦相當特別， 有原隻焗薯， 上面有酸忌廉同埋rosemary， 而且仲有西蘭花、椰菜花同車厘茄， 點埋燒汁就更加好味啦。
【 龍蝦汁大蝦意粉】，龍蝦汁味道濃郁，自家製嘅意粉口感煙韌，可見大廚嘅心思。而上面嘅大蝦亦非常新鮮，蝦頭嘅蝦膏甘香，蝦肉彈牙， 絕對係誠意之作。
【 法國黑松露野菌忌廉鵝肝意大利飯】， 一傳黎就聞到好香嘅黑松露香氣，意大利飯粒粒飽滿，不過咬口較為淋身，但啱曬老豆媽咪口味， 上面嘅鵝肝煎得好香，外層夠曬焦香， 而且菇菌亦好多，正~~
最後嘅甜品有【 藍莓new york cheesecake】，芝士味夠曬濃， 而且亦都有檸檬香氣，食落亦唔會太漏， 上邊嘅藍莓果醬酸酸甜甜，好味到大家都爭住食。
最後叫咗杯特飲【凍朱古力】， 呢杯凍朱古力上面有一層忌廉， 朱古力未夠曬濃郁， 又唔會太甜， 用嚟襯埋藍莓芝士蛋糕， 就最夾喇。
老豆同媽咪都食得好開心， 都大讚呢度嘅嘢食好味， 而且呢度環境又舒服， 下次一於試下呢度嘅早餐先~
張貼
