Shelter Italian Bar & Restaurant (已結業)

同朋友食意大利菜, 除左意大利粉同埋啲火腿之外, 當然就要食下啲海鮮啦, 話晒佢地個國家都係三面環海!呢個海鮮併盤份量真係十足, 龍蝦、生蠔、青口、帶子、蟹腳一應俱全, 而且款款都好新鮮, 所以要我講邊款最好食, 我真係唔係好識分 -.-原隻嘅波士頓龍蝦, 肉質鮮嫩, 凍食就更加保存左佢嘅鮮味, 無得頂!!西西里紅蝦亦都係我嘅另一摯愛, 係張相都見到, 蝦身脹卜卜, 放入口個滿足感爆晒分, 同埋呢種蝦啲蝦膏特別多, 中意膏多肉鮮嘅朋友仔真係唔可以錯過!!成個海鮮併盤價格咁大份, 同兩三個中意食海鮮嘅朋友夾就最好, 每人都係三百蚊左右, 價格絕對係合理!!