MGB by Manhattan Grill & Bar (已結業)

睇過Junior Master Chef，一定會有我好似依家嘅同感，就是很想試試威靈頓牛究竟是什麼。我試過搵過香港邊度有得食，但是酒店Steak House比較貴，小資女的話想試試比較大眾化的。可惜，不是很多西餐廳會造威靈頓牛，因為煮法複雜。最後，竟然比我搵到喺觀塘有一間可以試吓威靈頓有是什麼。去之前最好book位，因為嗰度地理位置很好很方便。侍應姐姐問我們要幾成熟，佢話一定威靈頓牛都是五成熟的，我哋一切開，好靚嘅粉紅色，又唔會係滴晒啲血水出嚟嗰一隻呢個真係驚喜，薯條竟然是免費任添的，Refill的薯條重是即叫即整，10分熱辣辣脆卜卜呢個只是驚唔飽肚嘅時候就叫定的意粉，不過已經好飽了。仲有一樣必叫的是蒜蓉羽衣甘藍，唔好以羽衣甘藍淨係可以當沙律食，上次我係澳洲一間日本餐廳羽衣甘藍都可以炸咗便好似紫菜咁樣，呢間餐廳雖然冇炸羽衣甘藍，但是蒜蓉整羽衣甘藍都一樣好好食。