萬芳冰室 (建德街)

營業中

休息中

係元朗補完習諗住搵下好野食，突然醒起有一間位置都幾隔涉嘅老字號冰室萬芳冰室啲野食好似唔錯，就決定一支公去試下!睇咗餐牌好耐好多野都想試，最尾就叫左其中一個招牌菜-沙丹豬扒太陽蛋飯! 黎到之後心諗會唔會美其名只不過係一碟豉油汁豬扒頹飯呢？食落口先知原來萬芳做左咁多年屹立不倒係有原因嘅! 塊豬扒首先接近兩隻手掌咁大，但唔會煎到乾柴，仍然保持到啲豬肉嘅鮮嫩彈牙同juciy, 加埋隻煎得岩岩好嘅太陽蛋同埋微甜嘅豉油汁，仲有原塊厚切波羅，唔洗兩個字我已經極速清晒成碟飯，正!