Ms. Hot 麻辣燙 (已結業)

以前食開麻辣湯都係一啲小店，又或者好簡陋嘅地方先食到，元朗呢間Ms. Hot 麻辣燙環境乾淨企理，裝修新淨。店舖採用自助嘅形式，客人只需自己喺出面自取食物，並以重量計算價錢 ，15蚊100克，又或者可以自己揀套餐都得，豐儉由人。配料有好多選擇，有肉丸腸仔餃子牛肉等等...仲有我最鍾意食嘅鴨血，鴨血鮮滑嫩口，非常之值得推介！我自己就揀少少，埋單磅重都係六十幾蚊，湯底有四種選擇，食得麻辣燙就梗係揀麻辣湯底啦，呢種四川辣真係好正， 辣得有勁。