漢斯 (已結業)

今次應該如何下筆呢…漢斯係間唔中，可能一個月食一次之選啦，我會跟同事間唔中食下，以往我會咖哩雞飯呀，焗飯咁啦，味道方面係理想既，價錢合理啦，但今天叫了一個午餐 -「椰汁咖哩豬軟骨飯」，就唔太理想啦，我會比喻為…食魚柳包但配豉油，即係唔夾囉。我覺得佢地係用鹵水煮豬軟骨既，如果講豬軟骨呢…係淋既，成塊軟骨都食得既。科學D 講，唔用一D酸性既湯汁係唔會煮得淋D豬軟骨既，但…後果係咖哩汁又如何呢? 試想想，椰香 + 咖哩 + 少少酸，夾唔埋架！我之前食過佢地既「日本燒汁豬軟骨飯」係冇問題既，因為日本燒汁係酸酸地，開開胃咁架啦。麥記係唔會出豉油味既魚柳包架！推介一下，跟同事一起食，佢地會叫「松子仁蔬菜豆腐飯」。係清D既，齋黎既，我係食肉獸，唔會揀。但同事話味道唔錯，加上松子仁有益健康。