禮 (天光道) (已結業)

自從轉咗工，多咗機會同以前啲舊同事食飯差唔多一個星期都會食一次😆今日去新地方，衝出梭椏道✌🏻嚟到天光道，揀咗一間日本餐廳🎏晏晝有午餐menu，可以揀壽司、刺身、燒物、煮物。所有午餐都包前菜，有漬物、刺身、蒸蛋、沙律、水果、味噌湯，好豐富。另外，仲可以追加小食。生羌黑毛豚肉配溫泉蛋 ($128)糾結咗好耐，要唔要食和牛丼，因為真係好吸引🥺但係配鵝肝實在太邪惡，都係留返俾有qouta 嘅朋友🫢我自己乖乖地食生羌黑毛豚。其實揀哩個飯，有小小係因為個溫泉蛋🥚飯唔係普通白米，混合其他穀米，增加口感，好好味😋生羌黑毛豚味道好濃，但唔會太咸。月見鵝肝和牛丼 ($168)原來和牛丼都有溫泉蛋‼️‼️鵝肝好大片，唔係一啖鵝肝，香噴噴。望多幾眼當食咗🫠鵝肝下面有和牛片，和牛片鋪滿飯面。飯一樣混合其他穀米。成個午餐每一道前菜都好精緻，睇落每樣小小，其實食落份量好夠。哩兩個主菜都偏濃味，但食落都唔會太咸，建議可以留一啲前菜食完主食先食，可以清一清口， 無咁膩。餐廳唔算好大，連埋吧枱位，大約坐到15~20人左右。環境幾舒服，客人亦唔多，由坐低到離開只坐到一半滿😳不過可以靜靜地食lunch，都係一個享受。 最鍾意餐廳