影片
更多
2019-03-03
4344 瀏覽
《Sushi Saito》慕名而來的Sushi Saito，據說只有每月第一日早上十時才接受預訂位置，就算打通電話都未必有人接聽，可說千金難買一席位。 既然一場黎到都抱有一定期望，畢竟都是米芝蓮二星餐廳。小魚鮑魚及八爪魚兩者都食得出用咗數小時去烹調先有咁軟腍口感，可惜八爪魚唔夠入味。白子白子分成3小件，入口即溶同唔腥。不過酸汁實在太太太酸 ！我同友人食完一件後，接下來嘅都要Fing 走啲酸汁先叫勉強入得口。毛蟹味道普通無特別，友人卻食到3小塊蟹殼！一碗咁細嘅蟹肉竟可有咁多蟹殼，實在有點兒過份 。安康魚肝食完前面幾道都有失望嘅時候，卻出現咗呢個魚肝挽回不少分數 。吞拿魚臉頰燒到啲魚油出哂嚟同好軟腍係唔錯。壽司12件全部壽司老實講無驚喜之餘仲好多不足地方，大拖羅仲要有根 。虎蝦虎蝦太長一啖過食有啲困難，分兩件會更好。海鰻壽司方面習慣用手食用。知海鰻脆弱已溫柔地拎起件海鰻壽司，點知一拎起飯都散埋太低級錯誤了吧 。其實之前有幾件壽司飯拎起嘅時候都就散就散咁，可見師傅握飯功力一般。海膽有北海道馬糞海膽（左）同紫海膽（右）。紫海膽雖然少見，但曾經食過一間米芝蓮三星Omakase 係將紫海膽同綠海膽
慕名而來的Sushi Saito，據說只有每月第一日早上十時才接受預訂位置，就算打通電話都未必有人接聽，可說千金難買一席位。 既然一場黎到都抱有一定期望，畢竟都是米芝蓮二星餐廳。
34 瀏覽
0 讚好
0 留言
鮑魚及八爪魚
19 瀏覽
0 讚好
0 留言
兩者都食得出用咗數小時去烹調先有咁軟腍口感，可惜八爪魚唔夠入味。
白子
83 瀏覽
0 讚好
0 留言
白子分成3小件，入口即溶同唔腥。不過酸汁實在太太太酸 ！我同友人食完一件後，接下來嘅都要Fing 走啲酸汁先叫勉強入得口。
毛蟹
32 瀏覽
0 讚好
0 留言
味道普通無特別，友人卻食到3小塊蟹殼！一碗咁細嘅蟹肉竟可有咁多蟹殼，實在有點兒過份 。
安康魚肝
15 瀏覽
1 讚好
0 留言
食完前面幾道都有失望嘅時候，卻出現咗呢個魚肝挽回不少分數 。
吞拿魚臉頰
22 瀏覽
0 讚好
0 留言
燒到啲魚油出哂嚟同好軟腍係唔錯。
30 瀏覽
0 讚好
0 留言
全部壽司老實講無驚喜之餘仲好多不足地方，大拖羅仲要有根 。
虎蝦
虎蝦太長一啖過食有啲困難，分兩件會更好。
海鰻
壽司方面習慣用手食用。知海鰻脆弱已溫柔地拎起件海鰻壽司，點知一拎起飯都散埋太低級錯誤了吧 。其實之前有幾件壽司飯拎起嘅時候都就散就散咁，可見師傅握飯功力一般。
北海道馬糞海膽&紫海膽
67 瀏覽
1 讚好
0 留言
有北海道馬糞海膽（左）同紫海膽（右）。紫海膽雖然少見，但曾經食過一間米芝蓮三星Omakase 係將紫海膽同綠海膽混在一起進食更出色。
魚蓉手卷
23 瀏覽
1 讚好
0 留言
食到呢度嘅時候有小插曲，就係廚房傳出一大浸燒焦的味道 （食Omakase咁耐重來未試過嘅情況），照估計應該係把紫菜烘過火而導致味道傳出，由此可見學徒們功夫一樣未夠班 。講返件手卷，魚蓉夾雜黃瓜有爽口口感但份量一般，而且紫菜不是一咬就破開，而係介乎於淋身與脆身之間黏黏的 。
28 瀏覽
0 讚好
1 留言
最後可讚之處玉子極之滑身口感似布甸 ，無蛋白打不混合地方。拎上手感覺吹彈可破同時又堅挺原整 。
環境方面
壽司吧分有大房同細房當日用餐於細房。大房被城中巨富富二代包房了，一行十人左右傾談難免會熱鬧嘈吵，但餐廳隔音設施實在太差 ，什至可算是零隔音 ，唔知仲以為自己去了居酒屋定街市 。
最後埋單連加一約 $3600/位
綜合環境食物質素咁嘅價錢，性價比極低！ 呢個價位選擇多的是，有相約價錢但實至名歸的三星Omakase，又或者食到兩餐普普通通不錯的其他日本餐廳。Sushi Saito 名過於實？
張貼
