椰小盅燉湯專門店 (太古城中心)

營業中

休息中

因為公司喺附近，有時都會落去食，唔知點解最近呢一兩個月，質素好飄忽。之前試過飲到唔熱嘅湯都算。琴日收工大約六七點左右，想飲下湯，所以叫咗個織金竹笙烏雞+超值飯餐，平平哋快靚正。點知攞到位食第一啖飯，唔係熱嘅，暖暖地又益益地。懷疑攞啲隔夜飯返熱。總之食落去唔係新鮮熱辣辣嘅飯。湯係正常不過不失。雞翼又係怪怪地夾起身已經支離破碎，又係暖暖地唔熱，滷水雞翼乾爭爭。成個體驗除咗湯之外，其他嘢好似啲賣剩蔗俾你希望老闆要跟進返啲員工質素，有待改進。