芋圓一

營業中

休息中

好日都唔會去西營盤食飯，難得去開呢頭食飯，食完就揾糖水食。水街下底嗰間食過幾次，响Openrice揾到呢間芋圓就撐上去斜路頂試下。雖然大熱天時，同朋友兩個都係叫熱嘅食。我嗰碗紅棗桂圓清心丸芋圓真係好普通，水多料少，每樣得幾粒，$45完全唔吸引，仲要個水唔多好味。咩台灣古早味又真係吹得太大。平時食嘢冇影相習慣有啲後悔唔影低加入呢個食評度。可能食凍野食冰類會好食啲。如果你食過响太子嗰間芋圓，相信你都唔會再去呢間，價錢同質素都冇得比。