喜喜麵館 (已結業)

雖然已經唔係第一次幫襯，但係水準一次差過一次！味道普普通通無乜大問題，去得都唔講什麼服裝水準，但係處理食材嘅方法，同份量就好大問題！首先，公仔麵成個麵底硬嘅，師傅應該好趕時間，一唔係就好求其掉落滾水就算，嚟到嘅時候個麵餅成個型都仲喺度，其次肥牛硬過鞋底，竹笙一條剪開當三條就當一個餸收你十蚊，成碗得個生菜最正常，因為生菜生食都無乜大問題，埋單$45三個餸呢個價錢仲要已經無叫嘢飲，如無意外以後都應該唔會再幫襯！