尚港味 (已結業)

老婆大人鍾意食辣嘢可惜我唔爭氣攪到佢成日出去偷食！不過比我發現咗間有正宗川菜食之餘又有唔辣嘅粵菜食，可一次過滿足兩個人的願望即刻約佢出來試吓！講緊就係呢間尚港味，位置咪就係糖街出名的卡拉OK舊址囉！入面裝修冇娘味都幾型仔，有別一般中菜店！先飲杯買一送一嘅荔枝梳打邊食Nuts又真係幾過癮喎！滷水拼盤揀咗五香金錢腱同五香滷水鵝掌翼，五香金錢腱有咬口又夠淋仲好入味，滷水鵝掌翼又係勁好味唔會散修修滷得好！老婆大人叫咗水煮桂花魚我都試咗一塊魚片，真係好鬼辣我投降呀！都係食番D唔辣嘅嘢好D，安格斯蕎麥麵D牛肉好香嫩，仲有好多翡翠苗好健康，蕎麥麵又爽又滑口感好正。老婆大人食蔥油蕎麥冷麵好一樣咁爽滑仲多一份涼爽好啱夏天食！