甘味讚岐手打烏冬 (已結業)

上次同fd食，我自己個碗烏冬係普通湯底，見到fd食番茄湯底既烏冬好似幾好咁，於是都留下「可再嘗試既印象」。今次第二次去食，帶埋女朋友3點幾入去啦，見到多人，不過好彩有位，好快就點餸，2碗烏冬加個軟骨餃子棒。烏冬唔夠熱，湯底好求其，配料少，個牛肉又燶又韌，仲切到件件唔同大細，好失望，吞都難吞。個豬扒硬到可以攞來打人，又唔鬆化，又冇味，又老。見到咁已經燥啦，個餃子棒仲可以咁無誠意，淨係等餃子棒都等左十幾分鐘，竟然係一舊煎過火既餃皮搭住DD唔知乜鬼餡。因為太燥啦，呢個餃子棒既相都唔想影。發誓唔會再來呢間店！