616牛肉火鍋專門店 (星峰薈) (已結業)

呢排好想瘋狂食牛，616可以試盡好多唔同牛部位。呢到嘅醬料選擇多，有好香嘅蔥頭醬同牛汁，岩曬我打邊爐好著重醬料嘅人。信州和牛 羽下肉日本直送！呢款肉係自於牛嘅肋骨第一至第五節間，係肩胛部嘅精華部位，油花分布均勻，有肉嘅口感同時又有脂肪嘅油香。牛舌薄薄嘅牛舌好肥美，食落爽口，油香十足，牛舌控忍唔住一塊又一塊。牛駝峰佢係屬於頸背位置嘅肉，見到佢嘅脂肪同肉分布平均，食落嫩身得嚟又有啲幼根，油香同肉味平均。牛坑爪前胸嘅牛肋條，當中有啲筋膜，食起上嚟有脂肪，腍滑得嚟又有啲爽口，食完有陣甘甜香味。黑豚霜降肉雪白嘅松阪豬係肩頸位，肉質好鮮嫩，食落嘅油香適中。烏冬自家製嘅烏冬好幼身，個質地好索湯，烏冬充滿住牛骨湯，食落有咬口唔會粉。