JuniJib Dessert (已結業)

餐廳分成兩邊 一邊主打韓式小食 一邊做埋甜品。我哋叫咗二人餐C 同埋加一份炸雞，用木製托盤配上銀色嘅餐具，感覺好整齊得來又好韓系🥰年糕比一般大件軟身，份量好多好飽肚。辣度係香港人啱食嘅口味～魚糕雖然睇落有唔同形狀，不過其實味道都係一樣嘅，最欣賞係佢個湯底😋 識食嘅一定會飲埋湯～炸物款式好多熱辣辣，仲可以好似韓劇咁點炒年糕嘅辣汁食🤪特別欣賞魷魚同埋紫菜卷～炸雞係另外加錢買嘅，可惜個炸皮有啲太厚，下次就唔會特別加錢叫啦🫢食完正餐位都唔使轉，就去後面叫埋甜品。韓式雪冰係用牛奶冰做底，溶晒之後都唔會水聊聊，係真係牛奶黎㗎！ 哈密瓜配牛奶嘅配搭都相當清新，好適合夏天既甜品🍧