校長燒肉日韓料理 (沙咀道) (已結業)

阿妹話想食燒肉,我又想食日本野同打邊爐,同事話佢好抵食,所以就介紹我黎呢間校長試一試,校長都有好幾間分店,今晚就揀左荃灣呢間分店,收工過到黎七點三,啱啱好係佢C時段開始,$208加一可以食兩個鐘,已經包左韓燒打邊爐同埋日式刺身等等店員安排左我地坐一個窗邊卡位,坐我都好闊落舒服,一坐低我地兩個就忙住出去自助區拎野食拎野飲個自助區都幾大,有韓燒既肉類海鮮,又有打邊爐既丸類蔬菜,又有熟食,刺身,壽司,甜品,小食等等等等,多到不得了,最估唔到既係連點心都有刺身我拎左帶子同大紅蝦,帶子份量俾得都幾大方,有五六粒,食落都爽口鮮甜,感覺幾新鮮,大紅蝦都彈牙有鮮味,呢兩款刺身我都有encore,其他刺身仲有三文魚,希靈魚,但我個人對佢地興趣不大,所以無試到韓燒肉類都好多款式,我食左雞翼,雞腎,五花腩,多春魚雞翼醃得夠入味,五花腩超正,枱面仲有幾樽調味可以落,我地就加左孜然粉,辣椒粉調味,豬腩肉燒完啲油標晒出黎,食落就無咁肥,肉質都幾好夠腍打邊爐就主要都係食下肥牛同菜咁,肥牛唔會好肥,菜既選擇雖然唔算好多,但都新鮮既食到咁上下,我地兩個都覺得有啲飽飽滯滯,出面超好有個沖茶區,我沖左壺香片加玫瑰同苿莉花茶