影片
更多
2017-11-01
238 瀏覽
好朋友一直都好中意"烚下烚下"，可能覺得咁樣似佢份人啦，haha所以佢牛一就梗係要打邊爐架啦!! 一直都想再去一鍋堂架，可惜無得book位而且又長時間full，結果千挑萬選之下就揀左呢間新店，中意佢新開乾淨、有雞煲又有邊爐、最點係有得book枱!! GOOD同朋友兩個人6點半去到，安排坐2人卡位 (呢度有唔少2人卡位)去到果陣都仲見到有吉枱，但之後發現原來係留枱，仲要過左一個鐘先有客坐!! 比著其他店估計已經比左其他人坐左先嚕其實呢度除左雞煲打邊爐之外，仲可以選擇其他湯底；不過一心想食雞煲既我地就梗係二話不說叫左個小辣雞啦唔駛五分鐘已經上雞煲!! 好有效率雞煲(小辣)每件雞件都沾滿啡黃色既醬汁，加上少量既芫茜同洋蔥，香氣撲鼻~~本人好中意食芫茜，特別係當雞煲加上芫茜，可以增添香味又解膩!!之前食過荃灣一間好出名既雞煲，但唔中意佢太鹹，由第一件鹹到最尾果件，啖啖都似食梗一羮鹽…但我覺得呢間調味岩岩好，鹹甜適中，雞仲保留到D汁，感到比之前食果間更優雞件分量好多，兩個人食既話有少少吃力…不竟想留肚打邊爐嘛，結果都要浪費少少佐料選擇就普通D，都係D大路野，不過無我中意既芫茜…但其實雞煲底個湯已
所以佢牛一就梗係要打邊爐架啦!! 一直都想再去一鍋堂架，可惜無得book位而且又長時間full，結果千挑萬選之下就揀左呢間新店，中意佢新開乾淨、有雞煲又有邊爐、最點係有得book枱!! GOOD
同朋友兩個人6點半去到，安排坐2人卡位 (呢度有唔少2人卡位)
去到果陣都仲見到有吉枱，但之後發現原來係留枱，仲要過左一個鐘先有客坐!! 比著其他店估計已經比左其他人坐左先嚕
其實呢度除左雞煲打邊爐之外，仲可以選擇其他湯底；不過一心想食雞煲既我地就梗係二話不說叫左個小辣雞啦
唔駛五分鐘已經上雞煲!! 好有效率
雞煲(小辣)
小辣雞煲
14 瀏覽
0 讚好
0 留言
每件雞件都沾滿啡黃色既醬汁，加上少量既芫茜同洋蔥，香氣撲鼻~~本人好中意食芫茜，特別係當雞煲加上芫茜，可以增添香味又解膩!!
之前食過荃灣一間好出名既雞煲，但唔中意佢太鹹，由第一件鹹到最尾果件，啖啖都似食梗一羮鹽…但我覺得呢間調味岩岩好，鹹甜適中，雞仲保留到D汁，感到比之前食果間更優
雞件分量好多，兩個人食既話有少少吃力…不竟想留肚打邊爐嘛，結果都要浪費少少
佐料選擇就普通D，都係D大路野，不過無我中意既芫茜…
但其實雞煲底個湯已經好夠味，我整左個佐料都無用過
火鍋配料選擇相當豐富，除左菜類自行去拎之外，其他都有職員送上
首先要講D特別令我地兩個驚喜既先炸響鈴 – 大大件，非常脆口，吸滿湯汁，好食到一個頂點
炸魚皮 – 唔會碎濕濕且脆卜卜，無論就咁食定沾湯食都一流
粟米 – 本身以為過左粟米當造既季節應該好難再食到甜粟米啦，點知呢度D粟米係超甜
鮮脆骨腩 – 厚切三件，爽口少骨又唔腥
麻辣雞粒 – 本身以為係打邊爐料，送上枱先知原來係炸好左既雞粒，食落似巴辣香雞粒，不過再辣少少
鮮淮山 – 平時打邊爐少見，加上健脾助消化
菜類拎左油麥菜同唐生菜 – 菜有洗過而且新鮮無啡色
另外仲有試其他，不過唔推介或者覺得麻麻
火辣牛丸 – 味道好怪又無牛味
是日海鮮 – D蜆又細粒又有沙，啖啖沙….
蟹爪肉棒 – 味道普通，但一放入湯都未煮熱就散…
特選黑豚腩片 – 肥得制，而且切得太薄，好難全塊夾起
雪花肥牛肉 – 色澤紅潤，肥瘦均勻，不過無牛味；第二碟就牛味多番啲。
頂級梅頭豬肉 – 厚實有豬味，不過上枱仍然係冰，煮完已經熟得制
總結，$185可以一次過滿足左雞煲、打邊爐同任飲任食既願意，食物質素雖然有好有差，但好既仍然佔大比數，可謂性價比高；仲有個重點就係可以BOOK枱唔駛排長龍等到頸都長又無Mood，上菜快又有效率，完全切合香港人既性格!!
張貼
