宏 (已搬遷) 新店位置

成日聽個為食友人B講，the one有間食日式烏冬好食之餘又有甜品食，啲甜品以抹茶最出名同好食。講到咁，今日有機會黎會一會佢---宏呢間餐廳喺the one 5樓，唔算難揾，顏色繽紛嘅天花感覺好舒服，座位夠多又唔迫，以年輕人光顧為多小妹急不及待，又想食飯又想食烏冬，又想食甜品，最好有埋飲品啦！燒鱈魚飯套餐加海藻烏冬，配小蛋卷跟斯里蘭卡茶，呢個餐岩晒小妹！咩都有得食！正！燒鱈魚要等15-20分鐘，不過其實上餐都好快，相信係廚房密密燒，所以可以加快上餐時間上餐係一餐盤出，有燒鱈魚飯，有海藻烏冬，仲有個小沙律沙律菜新鮮，配酸酸甜甜沙律醋好醒胃個燒鱈魚飯，飯就用左日本秋田米，粒粒香軟煙un,鱈魚燒到外脆內滑，配合獨家醬汁加芝麻，但鱈魚份量略為小，有啲唔多夠喉海藻烏冬的確出色，烏冬由海藻粉加小麥造成，夠晒煙un有咬口，配合清甜海藻湯，好清新友人就叫左個咖喱豬扒飯，飯固之然好咬口，個豬扒薄薄但一啲都唔un,加埋有得揀嘅甜or辣咖哩，香濃，配飯食一流！甜品小妹揀左芝麻卷，好鬆軟，香濃芝麻味，中間嘅cream有芝麻粒之外一啲都唔膩，唔會好甜岩岩好，友人B的確好介紹！最後整多杯清新士多啤梨沙冰浪下口先~