千之味刺身壽司專門店 (雅都花園)

營業中

休息中

最近疫情再度大爆發，所以就減少外出堂食， 而今日路經屯門就揀番呢間千之味壽司店🍣外帶番屋企。 壽司/刺身/熟食種類好多選擇，盛合既種類整齊有心思👍，好岩哂成班朋友開party聚餐。 三文魚粒粒海膽丼$83海膽色澤偏濃身，且入口比較清爽，超多粒粒三文魚，丼飯份量足夠一人。CP值高。火灸壽司冷麵餐$85冷麵好有彈性，又夠煙韌，好食。火炙過既鰻魚同忌廉、芝士，口感相當豐富。帶子6件$71晶瑩剔透，帶子肉質又有咬口，夠哂清爽赤貝5件$58口感鮮甜爽彈，相當高質！👍比連鎖壽司店黎講質素唔錯，價錢又實惠，但閒閒地都要排成一個鐘頭隊，每當想食壽司刺身，就會黎趙襯呢間店，真係抵食兼好食。