誠記小籠包拉麵

營業中

休息中

👧🏻細細個就喺誠記深水埗舊舖食過幾次，地點方便，當時仲有芋圓食。不過誠記原來已經搬咗去西營盤。為咗懷念下昔日味道，👦🏻👧🏻專程去咗中西區行下！其實餐廳地點都幾近西營盤站，食物加咗價，不過喺半山區嚟講都算抵食/合理👍🏻。🌟蟹粉小籠包臨近秋天，岩岩好係大閘蟹既旺季，梗係點個蟹粉小籠包🦀食下。小籠包皮薄晶瑩剔透，湯汁蟹味濃郁鮮甜。🌟去骨樟茶鴨一直以黎👦🏻都覺得樟茶鴨係一道好特別既菜式，可能係因為👦🏻少食既關係。樟菜鴨先將鴨加以帶有茶葉香味既滷水煮熟，再用油炸，所以👦🏻👧🏻食落口覺得外皮香脆，茶味香濃，香脆得黎鴨肉又保持到嫩滑既口感😛。想重口味少少仲可以點埋餐廳提供嘅鹽+麻油海鮮醬。🌟自家制湯雲呑清清地又想濕下口，緊係要叫啲湯食。一客湯雲呑份量都唔少，冇認真數但一定超過6隻。雲呑皮又薄又滑，餡料就緊係用咗白菜豬肉，調味適中又冇咩肥豬肉，抵讚👍🏻。🌟大排擔擔麵今次嘅澱粉質食物係炸豬扒擔擔麵，炸豬扒炸得鬆化，食落每一啖都有肉香，再點少少吱咗喺面層嘅蜜糖，咸甜交雜不錯不錯。湯底重花生味🥜，麵嘅質地亦剛剛好👍。