宏 (已結業)

新年前朋友專登whatsapp 我話食左黃埔呢間宏，個鰻魚好好食，我心諗向香港食鰻魚可以有幾好食？尋日去開黃埔乎近，我就去食下，間舖位置係向Aeon 後面九號水產內，望落有D似food court ，我叫左一set三味嘅迷你三彩定食，有蒲燒鰻魚飯、吞拿魚魚生飯及海藻烏冬，碗碗小小，可品嚐唔同滋味；扁扁地哋自製海藻烏冬，食落自我感覺良好，滑＋彈嘅烏冬配上自家湯底，暖胃；吞拿魚魚生飯，魚生新鮮，配上沾沾地珍珠米，無得輸；蒲燒鰻魚飯，我朋友真係無介紹錯，條鰻魚油脂分部充足，燒得香甜美味，每口好似食緊滑蛋咁，碗飯啖啖都黏上鰻魚魚油及醬汁，未食完已追加客蒲燒鰻魚，去得相當盡；呢個定食還有沙律、小抹茶蛋卷及錫蘭紅茶，不得不提杯錫蘭紅茶，相當有水準，入口香醇，飲一口已令全個口腔都有香味，配合小抹茶蛋卷簡直將全餐推至高峰。