影片
更多
2019-05-23
58 瀏覽
求婚紀念日，藉住去錦田睇新盤，安排嚟呢間隱匿嘅餐廳 - 崟 食鐵板燒。環境好有格調，好寧靜。入到去我哋點咗份特上活伊勢海老鐵板燒二人前$1980一開始侍應就上咗一碗前菜同沙律。前菜係醬油螺，用咗少少醬油同酒調味，最令人意外係塊蘿蔔，除咗完全吸收醬油味，食得到部分螺嘅味道。同平時食嘅沙律唔同，呢度嘅沙律用咗冰菜同蓮花莖搭配其他沙律菜。係食緊前菜同沙律同時，師傅就拎咗今日燒嘅海鮮俾我哋睇，分別有龍蝦、響螺、帆立貝同白甘鯛。燒帆立貝先係殼上面加入醬油同紫菜，同時間帆立貝放係鐵板上燒至金黃色，完成後將帆立貝橫切一半再燒。燒好嘅帆立貝放回殼內加入三文魚子同紫酥花，就變成一道好靚嘅帆立貝鐵板燒。火喉掌握得好好，肉質鮮嫩，用三文魚子、紫菜跟醬油混合出來嘅鹹味成功帶出帆立貝自身嘅鮮味。燒白甘鯛將魚皮炸至黃金色再用鐵板燒魚肉，途中加入黑椒調味。魚肉好嫩，連埋魚皮一齊食又脆又軟，估唔到會有呢種食法，真係第一次見識到。燒響螺睇落好似好簡單，但燒既技巧一啲都唔簡單。師傅冇多餘動作；快燒，落黑椒調味，上碟，仲千叮萬囑我哋快啲食🍴食落去第一個字，爽！因為肉質好爽口，食落去會有聲，第二個字，鮮！完全食到響螺本身嘅味
入到去我哋點咗份特上活伊勢海老鐵板燒二人前$1980
一開始侍應就上咗一碗前菜同沙律。
前菜係醬油螺，用咗少少醬油同酒調味，最令人意外係塊蘿蔔，除咗完全吸收醬油味，食得到部分螺嘅味道。
同平時食嘅沙律唔同，呢度嘅沙律用咗冰菜同蓮花莖搭配其他沙律菜。
係食緊前菜同沙律同時，師傅就拎咗今日燒嘅海鮮俾我哋睇，分別有龍蝦、響螺、帆立貝同白甘鯛。
燒帆立貝
先係殼上面加入醬油同紫菜，同時間帆立貝放係鐵板上燒至金黃色，完成後將帆立貝橫切一半再燒。燒好嘅帆立貝放回殼內加入三文魚子同紫酥花，就變成一道好靚嘅帆立貝鐵板燒。
火喉掌握得好好，肉質鮮嫩，用三文魚子、紫菜跟醬油混合出來嘅鹹味成功帶出帆立貝自身嘅鮮味。
燒白甘鯛
將魚皮炸至黃金色再用鐵板燒魚肉，途中加入黑椒調味。魚肉好嫩，連埋魚皮一齊食又脆又軟，估唔到會有呢種食法，真係第一次見識到。
燒響螺
睇落好似好簡單，但燒既技巧一啲都唔簡單。師傅冇多餘動作；快燒，落黑椒調味，上碟，仲千叮萬囑我哋快啲食🍴
食落去第一個字，爽！因為肉質好爽口，食落去會有聲，第二個字，鮮！完全食到響螺本身嘅味道。
燒伊勢海老
作為整個餐嘅主角，單憑一張相表達唔到呢道菜係幾咁特別同好味。師傅先將伊勢海老底部燒至紅色，然後頭殼抽出將入面嘅膏拎出來加入海膽，兩者混合後變成伊勢海老最佳嘅調味料，連同肉一齊燒至金黃色。平時食龍蝦就算味道好好，肉質都好肉易韌，呢度鐵板燒嘅時間掌握得好好，肉質充滿彈性，用返本身嘅膏做調味真係一絕，配合得天衣無縫。
燒厚切和牛
食完海鮮，接下來就係燒和牛，平時食鐵板燒都係直接將塊牛放落鐵板度燒，呢度就會事先用和牛脂肪燒出部分油出來先至放和牛落去燒。食落去牛味好重，口感一流，部分牛肉係口腔溶化，係一流嘅享受。
鐵板炒飯 + 鯛魚湯
用鐵板炒同平時鑊炒出來最大分別係鐵板炒嘅飯會一粒粒冇哂水分。簡單加入蛋、櫻花蝦同蔥已經好好味。至於鯛魚湯魚味好重，成碗湯都係奶白色，如果平時飲開魚湯一定會好鐘意。
鐵板炒青菜
最後嘅炒青菜用黑椒少量調味，下面塊麵包隔走部分油，食落去唔會太油膩。
呢間餐廳鐵板燒唔會用好重調味料，相反好強調本身食材嘅新鮮同味道。除咗味覺嘅享受，睇住師傅係前面整料理，都係視覺享受。師傅會根據我哋進食嘅速度調整上菜，令每道菜食嘅時候都係都係最佳狀態，今餐飯未婚妻都好滿意😋
張貼
