影片
更多
2019-06-04
2763 瀏覽
First things first:* 環境、食材、服務一流* 建議book 枱先（鐵板燒當日full 哂）* 適合慶祝、紀念、business lunch* 鐵板燒上面嘅嗰條bar 係用嚟保暖食物，食野唔好成個碟拎落黎曾經聽人講，當你食到好好味嘅嘢嘅時候，基本上唔會得閒講嘢，就算講都淨係會講到好味好味好味。呢個體驗，我食和三昧嘅時候終於感覺到。首先講吓佢嘅選址，餐廳位置係銅鑼灣SOGO隔離，距離巴士站同地鐵站好近，約人方便。餐廳環境好好，係日式淺色系既裝修。我哋book咗鐵板燒，坐到埋位有兩個師傅係度燒緊野食。鐵板燒area 大概坐到8-10人，當日連埋我地係full晒。打開個餐牌，朋友發板叫左個澳洲鮑魚2人前套餐，好豪甘選配最貴嘅佐賀A5和牛。沙律有准山，啲醬落得啱啱好唔會太咸。店員首先拎左我哋呢台嘅海鮮盤俾我哋睇，隻隻都好靚。我地隻澳洲鮑魚超過400g，餐廳規定每克要加$2.5，我哋隻鮑魚450g，即係要補多$125。我地無所謂，就照去。師傅首先燒澳洲鮑魚，好大隻。隻鮑魚真係好新鮮同好大隻，上鐵板嘅時候佢仲識郁。我哋問過鐵板燒師傅鮑魚使唔使點啲咩醬，師傅話鮑魚入邊嘅海水味已經夠
* 環境、食材、服務一流
* 建議book 枱先（鐵板燒當日full 哂）
* 適合慶祝、紀念、business lunch
* 鐵板燒上面嘅嗰條bar 係用嚟保暖食物，食野唔好成個碟拎落黎
曾經聽人講，當你食到好好味嘅嘢嘅時候，基本上唔會得閒講嘢，就算講都淨係會講到好味好味好味。呢個體驗，我食和三昧嘅時候終於感覺到。
首先講吓佢嘅選址，餐廳位置係銅鑼灣SOGO隔離，距離巴士站同地鐵站好近，約人方便。餐廳環境好好，係日式淺色系既裝修。我哋book咗鐵板燒，坐到埋位有兩個師傅係度燒緊野食。鐵板燒area 大概坐到8-10人，當日連埋我地係full晒。
打開個餐牌，朋友發板叫左個澳洲鮑魚2人前套餐，好豪甘選配最貴嘅佐賀A5和牛。
沙律有准山，啲醬落得啱啱好唔會太咸。店員首先拎左我哋呢台嘅海鮮盤俾我哋睇，隻隻都好靚。
我地隻澳洲鮑魚超過400g，餐廳規定每克要加$2.5，我哋隻鮑魚450g，即係要補多$125。我地無所謂，就照去。師傅首先燒澳洲鮑魚，好大隻。隻鮑魚真係好新鮮同好大隻，上鐵板嘅時候佢仲識郁。我哋問過鐵板燒師傅鮑魚使唔使點啲咩醬，師傅話鮑魚入邊嘅海水味已經夠味。如果再想要其他嘅味，可以落少少沙律醬。但係面對咁新鮮好味嘅鮑魚，所有醬都係多餘。
第一啖食落去已經覺得佢好新鮮好有海水味，口感係林但又爽，每一片都食到高潮。師傅仲話問我地想唔想試鮑魚嘅內臟，我不嬲都唔食內臟就pass，我朋友食咗一舊，覺得唔係咁啱口味都冇繼續食。
大蝦，大隻好好味。
今日嘅是日海鮮係蟹。我超鍾意食蟹㗎!! 嚟之前見到食評有啲人嘅是日海鮮係魚。其實係魚我都冇問題，但係蟹係更加好。好好味嘅蟹肉，不得了！
煮清酒煮蜆時，有一part係要點棵係啲酒精度，師傅點火之前會話俾你聽，等啲要相機食先嘅食客可以拎定相機ready，好貼心～
個清酒煮蜆真係我食過最好味嘅清酒煮蜆，好有酒嘅味，亦都有海水同蜆嘅鮮味，隻蜆係晶瑩剔透㗎！我仲飲埋佢成個清酒煮蜆既湯！
去到A5佐賀和牛，佢係放係和民嘅麵包上面，陪一啲炸嘅蒜片。兩舊和牛好厚身，用筷子一夾已經感受到肉嘅裏面係好林，果不其然，一擺入口好快就溶咗。好正！！
除咗厚身既和牛肉，仲有幾舊薄燒，卷左d 入面，真係好好味，燒得好香，啱啱好又好夾。
之後師傅再炒咗個飯同埋雜菜俾我哋。
D 鐵板燒食得七七八八，侍應就走黎同我地講，可以坐佢去隔離，我哋就由鐵板燒嘅area 轉咗做旁邊既梳化位。呢個時候就點埋餐茶同埋揀雪糕嘅味道。
成餐飯食物質素好、食材新鮮、環境舒服坐得自在、環境安靜好岩傾計。埋單兩個人接近$3500，但食足2.5hrs 又甘好味，都算物有所值。
張貼
