食力點心·雞煲專門店 (已結業)

前排同屋企人去慶祝生日，想食任食打邊爐，見到呢間開左半年左右食力雞煲，見到佢有得食埋點心幾過癮就簡左呢間呢間雞煲位於尖沙咀重慶大廈附近，地點好就腳，個門口係難搵左少少，唔太起眼。入到去既時候裝修唔算豪華，但勝左夠乾淨企理，平時去個d大排檔都係有d污穢。🙈今次叫左個168既香辣雞煲，因為就屋企人既關係，叫左小辣姐。前菜有點心拼盤送，款式幾多，個野菇餃十分足料，有多種菇，亦好有菇味。重頭戲黎啦，雞煲一打開好香，食落去好惹味，雞肉亦唔會老，好夠腍，老人家都食到，可惜叫左小辣，辣d既話應該會食到唔停手。打邊爐任食，款式都幾多，一般正常打邊爐既料都應有盡有。強烈推介呢個手打鯪魚球，彈牙得黎又有好香既魚味，真係可以一試再試