鼎皇臭臭鍋 (已結業)

行經尖沙咀新發現這間鼎皇，睇到個名就聯想去台灣一間好有名的麻辣火鍋店，好奇心驅使我同個朋友係門外睇下食乜，店門外已貼滿相關火鍋相片同食物詳情，原先都諗住行下先架啦！ 朋友仔就話不如入左食， 都行到累累地。就係咁兩個人就入內，店員還安排我倆坐卡位，可以望到街外行人添。店內都乾淨竟然無火鍋嘅油煙，主打養生鍋。枱面嘅單張好清楚介紹晒有關食材第一次食都一人一鍋，$118 價錢ok ,我自己選擇左黑豚肉蕃茄鍋。材料極吸引，除左豚肉之外還有蕃茄大豆芽，豆腐，枝竹，娃娃菜，金菇，雲耳，粉絲+鳴門卷等，有齊數十種健康食材，好啱我食得健康的人，好滿足，蕃茄味濃郁。朋友話要食招牌臭臭鍋，同樣豐富精彩，其實還想食酸菜魚鍋，黑麻油雞鍋，可惜兩個人點食到那麼多。講翻個臭臭鍋先，一點臭味都無，只是滲出少許臭豆腐的味，可能太臭未必接受到，有特式嘅台灣貢丸，鴨血，米血糕，豬大腸，蜆，粉絲同炸菜絲，超惹味！各有各味道，兩款分享夠晒。