頹飯 (已結業)

每日返工食lunch都會煩惱食咩好，係中環物價高嘅情況底下選擇就更少，要左搵右先會搵到一間好食得黎又唔貴。好耐冇經過利東街，突然發現個到開左幾間做外賣嘅餐廳，其中一間叫頹飯，見到個名已經好想睇下係點頹法。見到有全套餐，豬雞牛魚都有齊晒，我揀左3號仔香煎去骨雞腿飯，醬汁有三款，咖哩汁、黑椒汁，仲有揀嘅洋蔥蕃茄汁，飲品加左6蚊轉紅豆冰，成個餐黎睇係一點也不頹。返到公司慢慢品嚐，打開蓋份量都好多，雞腿好大塊，雞肉好嫩，唔點汁色都夠味，個醬汁好濃蕃茄味，酸酸甜甜，撈飯食好開胃。我仲加左最愛午餐肉，加4蚊就可以加午餐肉同煎蛋。到最後嘅紅豆冰，好多紅豆呀，紅豆夠軟香甜，椰汁味都夠，而且仲係小甜，飲多啖都唔驚😆