影片
更多
2022-06-06
108 瀏覽
最近見好多人講起雪糕拉麵自從見到係同我最鐘意嘅甜品店 #想甜嚐甜 合作就一直心思思好想試下❣️******************************食物s：🍜雪糕拉麵 ($98)辛辣湯拉麵配上半球嘅花生醬味雪糕🍦呢個配搭都幾新奇趁雪糕未融前 分別試咗佢地嘅味道先😉最初見辛辣湯底顏色幾紅 以為會幾辣 但原來食落又唔係太辣 又幾過癮😝至於雪糕 入口有好濃郁嘅花生醬味我覺得就咁食都好好食想甜嚐甜嘅出品果然係高質唔覺唔覺已經食左一半😝跟住我先醒起要融入湯底😂融合埋一齊時湯底辣度被中和咗個湯食落就會變咗暖暖哋咁個人比較鐘意熱辣辣多啲拉麵份量都幾多食完一碗標準size真心飽麵條我揀咗正常硬度 掛汁又彈牙 幾正但因為得返少少雪糕撈落個湯底度我就只係食到"少少"花生醬味 嗱 正常食法好似係會食到類似擔擔麵味道👈好彩本身個辛辣湯底都唔錯但就少少變咗將2樣野分開咗嚟食咁😌值得一讚係佢個叉燒幾厚身 而且燒過嚟夠肥又好有香味 認真邪惡😈🍗唐揚雞 ($32) 唐揚炸雞即叫即製 一碟有4舊 炸得夠香脆 食落都有肉汁唔會乾 唔錯唔錯😆******************************環境：店舖環境幾
自從見到係同我最鐘意嘅甜品店 #想甜嚐甜 合作
就一直心思思好想試下❣️
******************************
食物s：
🍜雪糕拉麵 ($98)
辛辣湯拉麵配上半球嘅花生醬味雪糕🍦
呢個配搭都幾新奇
趁雪糕未融前 分別試咗佢地嘅味道先😉
最初見辛辣湯底顏色幾紅 以為會幾辣
但原來食落又唔係太辣 又幾過癮😝
至於雪糕 入口有好濃郁嘅花生醬味
我覺得就咁食都好好食
想甜嚐甜嘅出品果然係高質
唔覺唔覺已經食左一半😝
跟住我先醒起要融入湯底😂
融合埋一齊時湯底辣度被中和咗
個湯食落就會變咗暖暖哋咁
個人比較鐘意熱辣辣多啲
拉麵份量都幾多
食完一碗標準size真心飽
麵條我揀咗正常硬度 掛汁又彈牙 幾正
但因為得返少少雪糕撈落個湯底度
我就只係食到"少少"花生醬味
嗱 正常食法好似係會食到類似擔擔麵味道👈
好彩本身個辛辣湯底都唔錯
但就少少變咗將2樣野分開咗嚟食咁😌
值得一讚係佢個叉燒幾厚身 而且燒過嚟
夠肥又好有香味 認真邪惡😈
🍗唐揚雞 ($32)
唐揚炸雞即叫即製
一碟有4舊 炸得夠香脆
食落都有肉汁唔會乾 唔錯唔錯😆
******************************
環境：
店舖環境幾乾淨企理
仲有梳化位坐 座位唔算逼
比起一般拉麵店 坐得都算舒服
******************************
小結：
幾鐘意良心小店合作搞呢啲限定產品💛
有gimmick 又可以比多啲人認識其他小店
我覺得以呢個價錢嚟講都值得一試
但自己就未必會再encore呢個
可能正正經經去返2間店食雪糕同拉麵算
限定雪糕拉麵聽講做埋6月咋❣️
想試嘅朋友要快手啲喇😉
同埋記得早啲出門啦
我12點半食完已經見到貼咗紙話賣晒喇
#早起的鳥兒有蟲吃
為食指數：7/10
性價比：7.5/10
環境舒適度：7.5/10
雪糕拉麵
$98
16 瀏覽
0 讚好
0 留言
張貼
