巴蜀軒豬扒酸辣米線

營業中

休息中

平日中午時間12點10分，都算早吖，叫一碗豬肚酸辣米線，等到12點45分先有，中間問了幾次有冇漏單都話整緊，我唔明整一碗米線點解要30分鐘，除非佢廚房得一個人！俾咗錢又冇單或紙仔俾你攞住等，感覺好差，如果兩個人同時叫同一樣米線，佢點知邊個先，到時嗌餐死。返工食晏得一粒鐘，返到公司得返10分鐘食。味道又冇乜特別好食，雖然唔係難食，一碗米線40蚊，質素同其他食店都係差唔多，所以都係去返x哥食好過，起碼出外賣10分鐘有得攞。