影片
更多
2015-06-29
435 瀏覽
又到每星期日既Faminly Days,好開心同父母食飯，人地聽到我話住尖沙咀通常都會話：「你就好啦尖沙咀大把野食」其實有苦自己知，圍住我都係連鎖食店，又貴又唔係特別好食，今日媽咪提議去後面街亞士厘道果間美味廚食，我一聽到已經話：「麻麻地wo果間」不過媽咪想試咪比次機會間餐廳囉。初初開果時已經偏貴，不過好多人幫襯，但果時的確好味，排骨，酸辣湯同辣子雞丁係我必食，但只從唔知係咪做到愈來愈多生意定換左廚師，愈來愈難食又貴，上次食個排骨勁難食，酸辣湯勁咸勁酸之後冇再幫襯😡懷住明知難食仲去送死既心情去食😂平時夜晚佢都旺，今晚冇乜人既？平時叫個單人份量既餐閒閒地都7/80蚊，見到有個餐2-4人食（個range咁大既😂）都係$248就叫。響餐牌入面揀4個餸1湯西湖牛肉羹-好耐冇飲過，細個好似成日飲，而家好似冇乜餐廳有咁既？呢道個味幾好，正常賽螃蟹-賣相好好，但冇味，加左醋都冇味，我以為我自己問題，但媽咪都話冇乜味，之後冇人再想食佢😂魚香茄子-同平時食開果d唔同，呢碟都正常，茄子算多，入面其實有好多配料一齊，幾送飯。蔥爆牛肉-我本人好食得咸，我都頂唔順佢，咸到食鹽咁😡送飯都仲好咸。雜菜粉絲煲-食完個
初初開果時已經偏貴，不過好多人幫襯，但果時的確好味，排骨，酸辣湯同辣子雞丁係我必食，但只從唔知係咪做到愈來愈多生意定換左廚師，愈來愈難食又貴，上次食個排骨勁難食，酸辣湯勁咸勁酸之後冇再幫襯😡
懷住明知難食仲去送死既心情去食😂平時夜晚佢都旺，今晚冇乜人既？平時叫個單人份量既餐閒閒地都7/80蚊，見到有個餐2-4人食（個range咁大既😂）都係$248就叫。
響餐牌入面揀4個餸1湯
西湖牛肉羹-好耐冇飲過，細個好似成日飲，而家好似冇乜餐廳有咁既？呢道個味幾好，正常
賽螃蟹-賣相好好，但冇味，加左醋都冇味，我以為我自己問題，但媽咪都話冇乜味，之後冇人再想食佢😂
魚香茄子-同平時食開果d唔同，呢碟都正常，茄子算多，入面其實有好多配料一齊，幾送飯。
蔥爆牛肉-我本人好食得咸，我都頂唔順佢，咸到食鹽咁😡送飯都仲好咸。
雜菜粉絲煲-食完個牛肉已經咸到個口冇晒知覺，呢個煲同賽螃蟹一樣，完全食唔到有味（但總好過咸到爆）可以改名做「清水煮雜菜粉絲煲」好岩健康新人類減肥少女食。
跟餐既豆沙鍋餅-好新鮮熱辣辣，脆口，豆沙味唔重，但炸得算唔錯，大家都食。
最後留意番，個餐係唔包飯，白飯我唔知幾錢冇問，菜飯要$22碗😱我聽到對眼都真係咁凸一凸，$22碗菜飯好過搶，又唔係特別好食，叫白飯都唔係好得去邊，勁冧，好痴，餐廳d飯仲衰過我屋企食到既白飯真係好震驚😟
3個大人一個小朋友食完都好似冇食咁，因為太咸我都勁飲茶，可能員工都知，都勁加茶比我地，飲茶都飽，廚師既廚藝應該唔差，可能心情唔好搞到調味失手，樣樣個賣相都好，係味道出左好大問題......但我唔會再去，good luck 大家🙏
張貼
