影片
更多
2011-09-21
1 瀏覽
原本想等佢到第99篇讚好先寫第一百篇，不過還是寫了不用說，完全地差不多一面倒好評 不差在加多我一個吧！因為真係有實力，抵讚！我最愛的是湯餃的湯底，抵佢貴煎餃一兩蚊野葛菜生魚絕無味精，次次食都會全數飲完我很強調出得有湯的美食，湯底就是其靈魂不容忽視，預左食客會飲的湯就不能馬虎 呢間我真正覺得餃同d 湯好match，好自然合一 最鐘意一路連著d湯一路食餃，可以飲埋d湯，完全唔喉乾，d湯油都唔多滴(係篤爛左d餃先有微油)，呢個先係完全的享受！仲有一碗7隻/10隻大大隻，皮薄餡靚，好足料次次週六晏晝都見到好多人，一兩個去食就易等位d，但會迫d坐得無咁舒服，但衛生整潔就ok同埋都唔會預左詳談傾計，見著出面咁多人都唔好意思啦。以前多人起上黎，d姐姐的 單會有d 亂，而家好左。不過叫外賣的人都唔少(因為外賣快d唔駛等)，所以多數唔會揀果個時間去多數喺佢收舖之前會黎食，雖然話收12點，不過多數10點幾11點就會賣曬架喇夜晚多數老闆就駐場做廚房，整好野喇，就會行出黎聊聊坐坐多數白菜好快賣曬，我最愛食雲耳肉餃，不知為何食到有微量的酒香 所以我入左佢電話，叫佢留一留尾餃，黎到就整。當然白晝忙到咁叫佢咁做
不用說，完全地差不多一面倒好評 不差在加多我一個吧！因為真係有實力，抵讚！
我最愛的是湯餃的湯底，抵佢貴煎餃一兩蚊
野葛菜生魚絕無味精，次次食都會全數飲完
我很強調出得有湯的美食，湯底就是其靈魂不容忽視，預左食客會飲的湯就不能馬虎
呢間我真正覺得餃同d 湯好match，好自然合一
最鐘意一路連著d湯一路食餃，可以飲埋d湯，完全唔喉乾，d湯油都唔多滴(係篤爛左d餃先有微油)，呢個先係完全的享受！
仲有一碗7隻/10隻大大隻，皮薄餡靚，好足料
次次週六晏晝都見到好多人，一兩個去食就易等位d，但會迫d坐得無咁舒服，但衛生整潔就ok
同埋都唔會預左詳談傾計，見著出面咁多人都唔好意思啦。
以前多人起上黎，d姐姐的 單會有d 亂，而家好左。
不過叫外賣的人都唔少(因為外賣快d唔駛等)，所以多數唔會揀果個時間去
多數喺佢收舖之前會黎食，雖然話收12點，不過多數10點幾11點就會賣曬架喇
夜晚多數老闆就駐場做廚房，整好野喇，就會行出黎聊聊坐坐
多數白菜好快賣曬，我最愛食雲耳肉餃，不知為何食到有微量的酒香
所以我入左佢電話，叫佢留一留尾餃，黎到就整。當然白晝忙到咁叫佢咁做就有點不好意思啦
我試過外賣回家吃，因為點都會要d時闁返去先食到，餃就有點浸林有d會易散，還是堂食最好
煎餃就油左d，但是可以接受。醬料辣，但聽人講好好食，食左咁耐我未試過。
食過呢間的餃之後，都會好留意有無其他餃子店可以媲美呢間，
但我暫時食過咁多間都搵唔到.....一係皮厚d，一係餡唔夠多或豐富，一係食完口會乾，一係湯餃d湯唔夠夾，一係d餃係機械化整的...
重要的是包餃者的手同心思！
有時日頭見住老闆娘用心逐隻包餃，雖然人手包有時總會有漏口
但欣賞的是那份默默耕耘的心思，安坐一邊包餃，唔會出去收收下錢唔洗手又返去包，所以還算衛生的
招牌餃，餃如其名，美味餃子店，讚！
張貼