一線軒雲南桂林過橋米線 (已結業)

今日突然好想食米線所以上openrice搵下附近有咩好米線最後就黎左呢間「一線軒」！去到好好彩唔駛等位即刻有得入去坐~入面佈置好簡單，都係以中式設計加工業風裝潢為主。望完menu，諗左好耐......最後我叫左個三餸既小鍋米線($46)：雲南牛肝菌+金牌腩肉+蘿蔔，送野飲，有罐裝同紙裝，我就揀左紙包烏龍茶。牛肝菌同牛腩都係一線軒既招牌，牛肝菌食落滑嘟嘟，口感好特別腩肉唔太肥，瘦腩有少少軟骨，相對上份量少過另外兩個餸...蘿蔔就好入味，三大舊今次叫左小辣，飲個湯唔係好覺有辣味，下次如果再黎的話，可以試下中辣