影片
更多
2017-08-19
3114 瀏覽
午餐去食木桶飯，寫著供應到14:30。14:08坐低看餐牌雖然係有點遲，但都未夠鐘呀。店員已經要我哋快d揀，話就快完。於是九秒九點咗餐。木桶飯原本包湯，佢話無晒，要我哋叫嘢飲加5蚊。迫住要咗甘蔗水，點知係楊協成。好啦都無計。就係我哋望住依兩罐所謂原價10蚊跟餐價5蚊嘅甘蔗水時，我哋聽到另一個店員向新來嘅客人推介話木桶飯包湯！問佢要唔要湯。個客想咗陣先話唔要。我哋即刻問店員，又話無晒湯？嗰個話有湯嘅店員就話''d湯得番好少，同新客人講咗，所以佢都唔要啦。''但明明我同朋友聽得好清楚佢無講過話d湯唔夠，係個客人自己唔想飲湯所以唔要！嗰解釋我哋當然唔多信啦。於是佢就問我哋係咪想換番，我哋梗唔換啦。用乜易加料㗎。所以未食就一肚火。直頭好似依兩個木桶飯嘅辣度一樣！上面既係小炒肉木桶飯，48蚊。上菜時熱騰騰，肉片薄但多，好入味，單吃佢有少少辣。如果連埋飯同d辣椒食就幾辣下，喜歡吃辣的一定啱食。食落感覺唔會太油，不過食到底就會見到d油，但都唔算多，所以都OK。另一個係酸辣雞雜木桶飯，都係48蚊。睇清楚係有個雜字，所以即係雞既內臟，係唔會見到一塊雞肉嘅！當初以為上錯咗，好彩好醒咁再睇番嗰名，唔係就錯怪
木桶飯原本包湯，佢話無晒，要我哋叫嘢飲加5蚊。迫住要咗甘蔗水，點知係楊協成。好啦都無計。
就係我哋望住依兩罐所謂原價10蚊跟餐價5蚊嘅甘蔗水時，我哋聽到另一個店員向新來嘅客人推介話木桶飯包湯！問佢要唔要湯。個客想咗陣先話唔要。
我哋即刻問店員，又話無晒湯？嗰個話有湯嘅店員就話''d湯得番好少，同新客人講咗，所以佢都唔要啦。''
但明明我同朋友聽得好清楚佢無講過話d湯唔夠，係個客人自己唔想飲湯所以唔要！
嗰解釋我哋當然唔多信啦。於是佢就問我哋係咪想換番，我哋梗唔換啦。用乜易加料㗎。
所以未食就一肚火。直頭好似依兩個木桶飯嘅辣度一樣！
上面既係小炒肉木桶飯，48蚊。上菜時熱騰騰，肉片薄但多，好入味，單吃佢有少少辣。如果連埋飯同d辣椒食就幾辣下，喜歡吃辣的一定啱食。食落感覺唔會太油，不過食到底就會見到d油，但都唔算多，所以都OK。
另一個係酸辣雞雜木桶飯，都係48蚊。睇清楚係有個雜字，所以即係雞既內臟，係唔會見到一塊雞肉嘅！當初以為上錯咗，好彩好醒咁再睇番嗰名，唔係就錯怪人。唔怪得我哋架，九秒九點菜係唔會知自己點咗咩。
上菜時都係熱，但無第一個咁熱，同埋無咁辣。係咪真係酸辣？就係覺少辣囉。雞雜算爽口，連飯連辣椒一齊食都野味。一樣唔太油。
兩個木桶份量都好多。隻匙係插到底嘅，可以看到佢嘅份量。
中肯d講，食物算好味嘅，環境都唔差。但間野老唔老實就唔知。又話無晒，又話得好少，又俾我哋換番，究竟有定無？都唔知邊句真。因為發生咗依件事，食得唔開心，所以對依間嘢好失望，唔會有下次幫襯嘅機會。
張貼
